钟发发火闹成龙　爆李健生拍《警察故事》跳巴士昏迷几日无人理

“洪家班”钟发早前大爆曾志伟约食饭，专登从内地回港隔离完，对方竟然“放飞机”，因而嬲爆反面割席，更指老死不相往来。日前钟发接受YouTube频道节目《威哥会馆》访问，率性的他又炮轰成龙无好好照顾为他出生入死的“成家班”兄弟，直斥：“你啲钱带落棺材咩？！”

访问中，钟发多次感激洪金宝的提携，令到洪家班个个都能独当一面，反之成龙未好有善待一班兄弟，钟发说：“火星最惨𠮶个，最辛苦𠮶个，所有替身系火星嚟㗎，张华、火星、李健生个个都辛苦。喂，成龙，你拿千分一（资产），唔好讲几多，都养佢哋一世啦，你何必呢？你啲钱带落棺材咩，系咪呀！你搞到乱晒，搞到个个都冇晒。你唔好忘记呢班人同你搏出嚟，冇呢班人能够咩呀，我讲真事，李健生瞓医院瞓到惊呀！”

1985年《警察故事》双层巴士跳落车惊险场面逐格睇：

钟发回忆1985年《警察故事》其中幕惊险场面，有两个人从双层巴士的上层车头位置，插水式从头跳落地下，之后两人瞓地状甚痛苦。钟发说：“巴士跌落嚟𠮶个，福健生李健生，昏迷咗几日，你（成龙）都冇人理佢嘅，所以我就爆大镬，我就钟意，等佢牙X擦，等佢走过嚟同我倾呀，我绝对有权同佢讲呢啲嘢。”

钟发表示做龙虎武师有好多辛酸，不是一出来便好风光，认为“阿头”好重要，他说：“成龙你冇你班底，你好好咩？成龙你冇洪金宝，你能返得转以前咁，一部抢包山你差啲死啦，拍一部《飞龙猛将》塑造你嘅警察故事，食到依家。”钟发不忘赞洪金宝：“我赞大哥（洪金宝）好嘢，黄炳耀好嘢，真系谂啲嘢出嚟好似度身订造，你留意洪金宝电影，每一个角色子似度身订造。”