徐克施南生破例同获金像奖终身成就奖 尔冬升：修哥话斋序有应得
撰文： 莫匡尧
出版：更新：
“第43届香港电影金像奖”颁奖典礼将于4月27日在文化中心举行，金像奖董事局主席尔冬升今日（25日）携同文隽、张继聪、刘天兰、钱嘉乐等一众董事及何启华、魏浚笙等颁奖嘉宾一同出席入台拜神仪式。尔冬升于拜神仪式后接受传媒访问，谈及金像奖重设“最佳衣著奖”，尔冬升笑言自己不会刻意隆重盛装出席：“我谂女明星嘅机会大啲！男明星点花姿招展都好，都系西装同礼服，所以都系女明星多啲！我成日同佢哋开玩笑，红地毡嘅焦点都系放喺女明星身上多啲，然后先系男演员，都系睇女明星多啲。”
尔冬升多年来提携后辈不遗余力，亦多次提到卸任金像奖主席让年轻导演接班，他表示：“由上年10月到依家，接触到筹划金像奖嘅人超过一千人！”续指：“接班人心水都系有嘅！我自己唔会揼低个烂摊子走咗去，但唔会系无了期嘅事，我想将整个班底稍为年轻化，如果我无办法为金像奖带嚟好大嘅突破，可能系时候交畀年轻一辈。”至于主席一职能否年轻化，尔冬升表示：“当然可以啦！其实年轻一辈都讲紧四十岁以上，我成日同老一辈嘅话要畀年青嘅做，𠮶班人年青系我哋讲㗎咋，实际上佢哋唔系细路仔嚟！我第一次做导演会会长只系四十出头，虽然睇住佢哋大，但佢哋唔系细路嚟㗎喇！”
今届金像奖终身成就奖颁发予徐克导演及施南生女士，罕有同时颁发予两位得奖人，尔冬升解释指：“我哋终身成就奖由委员会嘅资深业内人士提名，再由董事局去投选。修哥（胡枫）攞𠮶年讲话‘序有应得’嘛，我哋要考虑年纪、资历，但唔系老人牌奖项。讲返胡枫先生，其实佢嘅人品喺行内系我哋嘅典范，佢做到嘅嘢对电影圈有影响。”而两位得主更得到金像董事局全员通过：“施南生小姐对推广香港电影出国际市场、徐克导演喺视觉上一直突破，令金像奖董事局一致同意颁畀佢哋！”