《声梦传奇》成绝响？ 曾志伟坦承唔想搞认学员年龄轻不受控
撰文： 林迅景
出版：更新：
《声梦传奇》曾经孕育了炎明熹、钟柔美、姚焯菲、林智乐、冼靖峰等新星，但TVB总经理居然表示无意再办类似节目？日前（03/4）曾志伟出席全新歌唱节目《声秀》招募记者会时，就透露了有关意向，坦言不想再搞。
曾志伟说：“《声梦》得1、2啦，跟住《中年好声音》嚟到第三届啦，非常之成功，变咗好多年轻嘅会话‘几时又轮到我哋？’因为《中3》大家都知，都系35岁以上嘅香港参加者，而家有好多都蠢蠢欲动，但得十几岁或者廿几岁咁点算？所以就做返个为年轻人，畀个平台佢哋，就一齐参加啦。”
他又解释《声秀》名字的由来，说：“今次就变为16至30岁，等年纪大返啲嘅年轻人一齐去参加。《声秀》包含了《声梦》、《新秀》、《巨声》呢3个TVB 30几40年嚟成功嘅选秀节目，亦都出咗好多巨星，由梅艳芳开始到苏永康、许志安，呢啲都系新秀出嚟。当然一班《巨声》、《声梦》嘅年轻人，更加希望畀年轻人见到，有咁多巨星喺度出嚟。头先有一句口号：每一位嚟参赛嘅都系刹那间嘅动力，想参加就唔好谂啦，报名先啦。谂一谂就过咗㗎啦。过咗又一年，可能你又做咗另外嘅工作，要圆自己嘅梦趁后生，做咗佢先啦！”
访问中讲到，会否因《声梦》举办两届就完结而感到可惜，他就以香港小姐做例子，坦言每年有港姐入行而走红，也有人消失不见了。《声秀》是一个给予年轻人发挥的平台。有人提出是否因为《声梦传奇》参赛者年龄细而难控制，曾志伟直认：“系！所以今次将年龄提高，因发觉《声梦传奇》时，可能会影响到参赛者学业，就算比赛完参赛者参与度亦唔系好大，因为有啲觉得不错嘅，刚到18岁又话去外国留学，要留学都唔能够阻止。”