破地狱︱韦罗莎为金像红毡减肥　阿杰谈郑中基近况：返嚟瘦咗好多

香港史上最卖座电影《破．地狱》早前宣布推出加长版，铁定于4月4日清明节上映，新版本将会加入原上映版被删剪的剧情角色，岑珈其与谷德昭饰演的角色将首度曝光！《破．地狱》女主演团队今日（20日）出席惜食堂义工活动，卫诗雅、周家怡、韦罗莎、刘若宝及“阿杰”周芷慧代表剧组出席，与惜食堂一众服务对象亲身接触、并参与派饭派米等义工服务。

韦罗莎、刘若宝与“阿杰”周芷慧于活动上接受传媒访问时，凭《破．地狱》提名金像奖“最佳女配角”的韦罗莎笑言正在寻找红地毡战衣：“减紧肥、我仲减紧肥嘅！（上次减得很成功！）又恢复返少少，所以依家要继续努力，只系吸空气唔食嘢！”韦罗莎表示未知行红地毡的具体安排，笑言女儿未有兴趣一同出席，或许留待下一次再一同于红地毡亮相。

新一季《全民造星》现正筹备中，“阿杰”周芷慧分享指同为机动兵工厂的Wade陆维德打算参加，并努力练歌练舞：“我同佢讲都冇嘢输啦，咪去试下啰。我问佢唱歌跳舞得唔得，佢话Ok啦，我话唔紧要啦你靠样、靠高度啦，应该Ok喇！”刘若宝表示身边有男模特儿参加，亦赞同阿杰的说法：“心脏要好强大，要顶得住导师、其他队员畀你嘅意见，自己做定心理准备。”韦罗莎作为上届导师之一，亦大方送贴士予一众新一届参加者：“你哋都讲到心脏要好强大，要准备好、够开放接受意见，唔好死守自己相信的一套、因为未必系最好，入得嚟就要其他人睇你、提点你，接纳意见批评提点，最紧要享受过程！”

早前郑中基返港公开亮相，阿杰作为旗下机动电视台重要一员，亦回应“大佬”郑中基戒酒返港后的近况：“佢戒酒返嚟之后瘦咗好多，有继续食返嘢，健康、情绪好咗好多！佢都会久唔久返公司，同我哋倾下公司拍摄嘅影片内容等等。”至于郑中基与太太余思敏婚变传闻，阿杰亦表示有作关心：“因为我哋都唔系好知道发生咩事，佢返嚟就关心佢状况如何，佢私事好少同我哋讲，自己处理好心情再返嚟，好少喺我哋面前有负面情绪。同埋佢近排作紧歌，期待紧佢嘅新作品。”