袁澧林被古天乐教训　讲嘢问非所答：人哋问许光汉有冇“车”你

古天乐（古仔）和电影节大使袁澧林今日（17/3）现身湾仔会展出席《第四十九届香港国际电影节》记者会，提到早前为电影《九龙城寨之围城》搭谢日本观众，亲身到当地谢票，吸引大批粉丝到场朝圣。

古仔接受《香港01》访问时表示：“𠮶晚我哋包咗间房食饭，而班粉丝佢哋原来都包晒隔离啲房，当我行出间房嘅时候，佢哋就会队埋要我签名，我系签完又签，就好似开签名会咁。（咪同佢咪讲好多日文？）成个过程，佢系队咗块嘢埋嚟，我系冇时间骚我嘅日文。不过我有同佢哋讲广东话叫唔好队块嘢埋嚟，仲有叫佢睇住支笔。”

袁澧林被问到有份主演的电影《他年．她日》与许光汉有否亲热戏？袁澧林腼腆说：“呢个⋯而家出咗个前度预告，希望大家感受呢部电影关于啲咩啦，咁迟啲希望可以同大家见面啦。”古仔接著说：“你问非所答，人哋问你许光汉有冇‘车’你呀。”袁澧林尴尬回应：“不如你指导吓我点样答。”古仔笑说：“我想知佢点样‘车’你，系咪第一场就睇佢点揸车去车你。”袁澧林说：“我会练得更幽默去回答大家。”惹来全场一片笑声。