莫文蔚曾合作方大同闻死讯失落婉惜　“佢嘅音乐会继续Live On”

影帝刘青云、乐坛天后莫文蔚与韩国女歌手CL（李彩麟）今日（4日）出席钟表品牌活动，为品牌于香港开设“爱彼香港AP House”揭幕。莫文蔚于活动上接受访问，谈及曾经合作的方大同于日前离世，莫文蔚表示听闻死讯时深感可惜：“好失落、好可惜！同佢合作机会唔系好多，但我上一张唱片有特登邀请佢制作、创作一只歌。”莫文蔚表示多年未与方大同见面，但亦有透过共同朋友得悉方大同近年健康状况：“听过佢最紧身体唔好，但冇谂过咁突然！佢嘅音乐会继续Live On！佢真系好热爱音乐，我哋乐坛好难得有咁嘅人，一直好欣赏佢。”

难得出席钟表品牌活动，莫文蔚分享原来父亲一直喜爱收藏名表，自己继承后亦发觉款式已“应有尽有”，而喜爱戴男装手表的莫文蔚，笑言：“因为我钟意戴男人表，成日同老公交换戴，佢见我戴得几靓，又会攞返去戴下。”表示夫妻结婚多年，甚少送手表为礼物：“但系佢每年都会送一只戒指畀我，十指手指都戴唔晒㗎，结婚都13年喇！（宝石越来越大粒？）又好似真系越嚟越大！但我好少送返礼物畀佢。”

莫文蔚作为香港乐坛天后，近来积极开展巡回演唱会，谈到在香港办个唱，莫文蔚兴奋地表示心仪新开幕的启德场馆：“其实已经入咗纸报名，睇下缘份几时到啦，一定系想喺启德，因为依家开嘅都系Big Big Show，我哋会拣每个城市最大嘅球场，启德做就Perfect！”至于今年会否有机会开骚，莫文蔚则表示听闻今年的档期全满，或许要待一系列演唱会与球赛完成后再开办。