许廷铿传过档华纳取代周柏豪 ：边有咁易呀！

TVB盘菜宴来到第二晚，一众高层陈国强、李宝安、余咏珊及乐易玲继续出席之余，亦有不少艺员，包括杨秀惠、李施嬅、陈智燊、许廷铿、吴业坤、胡鸿钧、张颕康及麦雅致等到场。

今日有报导指许廷铿快将约满星梦，过档华纳取代周柏豪做一哥。他闻言表示：“一直都有呢啲传言，其实我仲未约满嘅，我同Herman（何哲图）仲会有一段时间合作，都希望大家都可以focus系我的音乐上，唔想因为呢个搞到其他同事嚟到呢个盘菜宴会系担心去向。（但话你过档华纳取代周柏豪？）边有咁易取代到呀！间公司其实最难取代𠮶个系陈咏谦，佢写词畀我㗎！”

问到公司给予的自由度是否不够？许廷铿表示：“其实好够㗎！我系音乐上都有好多嘢可以发挥。点解会有呢件事发生呢，我觉得系最近陈柏宇讲起“永远效忠Sony”，所以再开始留意其他歌手嘅去向啫。（咁你都会留系星梦？）我同Herman大家都有个共识，总之仲会继续合作一段日子。”