Novel Friday出新歌直接评击陈奕迅《致明日的舞》：我觉得好闷

陈奕迅（Eason）上年推出的《致明日的舞》获得一致好评，来到今年，乐坛同样有作品以这首歌来命名。C AllStar的唱片公司私人国（Kingdom C），今年推出“Young Blood”音乐企划，希望寻找新一代音乐人，主攻现时年轻人喜欢的音乐类型。20岁的本地Rapper Novel Friday最近推出新歌《REPLY 致明日的舞》，锐意以Melodic Rap进军主流乐坛。

Friday接受《香港01》访问时坦言，自己在创作新歌时尝试以乐评人角度分析，希望透过音乐直接回应Eason作品：“佢又系要散发一种，要觉得明日系璀璨，要跳住舞寄望明日系点，就话系《致明日的舞》。我觉得好闷，好唔贴近依家嘅大环境，如果真系喺香港亲身经历过呢两三年嘅气氛，关于听日嘅课题系唔会有咁美丽嘅画面。咁都算，然后呢啲歌又系冠军歌，又可以喺内地发展得好好，好似冇人可以挑战到佢。身为一个乐评人，既然冇人愿意去讲呢啲问题，咁我就用音乐去讲，我净系要珍惜今天。”

既然是一首评击《致明日的舞》的作品，外界或会用说唱界中的“Diss”来形容新歌，不过Friday强调新歌用“Reply”来形容会更适合：“我觉得diss多数都会好血淋淋，例如系人身攻击，内容系会强硬（hardcore）啲。你可以将‘reply’理解做‘温柔版diss’，用音乐回应音乐，要讲嘅嘢已经喺歌词里面渗透出嚟。”

不过新歌一出，Friday的社交帐户就被陈奕迅的支持者取消追踪，令以往甚少理会帐户追踪者数字的他感到无奈：“我喺呢两日从来未为过呢首歌作任何解构、解释，甚至连访问嘅时间表都未定好，就已经有呢啲动作。我觉得有啲滑稽，佢哋连来龙去脉都未真真正正去了解就已经有呢个行为，可能佢哋唔想喺呢件事上面过份思考，觉得听过就算，又或者非黑即白，觉得我系Hater。”

重新认识《致明日的舞》：专访︱陈奕迅亲自感受新歌魔力　自认变得眼浅：10年前唔会咁！