郑中基孖马田讲“厨房之匪夷所思”　爆侍应推介周星驰橙汁捞饭

郑中基上年开始踩过界做YouTuber，其频道“机动电视台RTV”更是香港数一数二冒起得最快的Channel。最近，他便与YouTuber马田合作，拍摄了一条名为《一人一个厨房之匪夷所思Ft.@点 Cook Guide 用洗衣机煲汤？！雪柜竟然收埋咗啲咁重要嘅嘢》的短片，短片更成为了发烧影片第一位。

片中，郑中基便转述好友谷德昭当年和周星驰、吴孟达一次食饭嘅爆笑事件：“佢哋叫咗碟饭，碟饭好干，问侍应姐姐攞汁，可能侍应姐姐见到佢哋已经好紧张，口都窒晒问‘咁你哋想要咩汁？’，佢哋就话‘咁干，乜汁都得！’估唔到侍应姐姐答‘橙汁得唔得？’当堂笑到喷饭。”郑中基便估计侍应见到周星驰感到紧张，所以才讲错说话。

另外，郑中基被马田问到有否食过和味龙（水曱甴）时，郑中基便指自己食过，更指味道难以形容：“有一种唔知点嘅香味，好奇怪佢唔臭嘅，好多人觉得肚入面𠮶Pat嘢，即系你打曱甴时爆出嚟𠮶啲白色嘢，就系食佢嘞，𠮶堆白色嘢就系有啲香味，系你永世都会记得。”又指进食和味龙有次序，首先是搣走牠的头，然后抽出里面条肠，将肠连头放入口中。

点击下图观看郑中基如何形容味道：