【专访】P1X3L手机桌布写低目标 剑指叱咤新人奖：知道系唔容易
与上一篇专访主角曾比特（Mike）同样出身自《全民造星II》，吴启洋（Phoebus）、欧镇灏（George）和叶振弘（Marco）合组跳唱组合P1X3L（读音：Pixel）加盟环球唱片，最近以《Braceless》正式出道。其实新歌推出前，他们已经率先在社交媒体宣布成军，却惹来不少网民评击，直呼“唔好啦”。
面对各界不被看好，网络上接二连三的批评，Phoebus想到前辈MIRROR初出道时亦遇到同样状况，深知成功背后需要下苦功，期望往后时间能透过作品证明自己。他认为目前出现负面声音十分正常：“我觉得每一样嘢出嚟都一定有负评先，呢个唔系我哋嘅问题，而系每一件事都会。其实MIRROR都系咁，啱啱出嚟都有好多负评，唔系话佢哋唔好，而系一有新嘢出嚟，一般嘅人都系好抗拒。”虽然起步较慢，但他们一致认为，今年才是P1X3L的开始。
撰文：刘传谦
摄影：陈顺祯
P1X3L出道不足一个月即惹来各方评击，自认是“负评王”的George认为团队需要将负面评价转化为动力，逼使大家进步，更向队友传授一个独特的方式消化负评：“喺YouTube咪有like同dislike嘅，咁当dislike多嘅时候咪倒转（荧光幕）睇，令自己开心啲啰！呢个系其中一个方式消化啲负评，当然有啲系真系想你好嘅，而佢哋讲到某啲嘢系必须要改善嘅，就要去改。”
不过，要扭转外界对自己的评价，最有效的方法是用行动、作品来说话，这点George亦十分认同：“好似Phoebus咁，其实《造星III》（表演）嘅时候都有好多人赞佢，但系《造星II》嘅时候其实有好多人闹佢，究竟呢段时间佢做咗啲咩，令咁多个人赞佢？当然系佢有付出过努力。”
许多人会想到，若然趁着该届比赛热潮出道，他们的发展或许会比现在顺利。Phoebus承认自己亦有同样想法，但他透露在疫情下，团队的起步被迫延后：“我哋只不过系起步点比较迟，啲人会话我哋乜都冇，但系大家想喺疫情之下有啲咩？我哋的确系冇一个良机撑住热度，当然喺热度最高嘅时候发展任何嘢都会蓬勃啲，但系喺疫情之下就冇咗，但系唔等于我哋会灰心，唔会太在意第一届嘅参赛者发展成点，至少我冇呢个心态。”
其实Phoebus和George在比赛后都有机会亮相不同节目，除了幕前工作外，二人亦不停学唱歌、跳舞、演戏。相比之下，直到后期才加入的Marco则甚少曝光机会，在比赛前已经立志入行的他一直苦等机会，坦言在空窗期的日子过得十分煎熬：“比赛之前我特登去韩国特训，想练好自己跳舞，而比赛之后嘅空档期都有其他公司揾我去面试，但系最后都系唔成功。”
新歌《Braceless》邀得Jerald（陈哲庐）作曲、监制，另一边厢，Mike的《我不如》就由Eric Kwok（郭伟亮）度身订造，他们觉得这个安排只是机缘巧合，Phoebus认为：“Jerald负责嘅都系比较Groovy啲、轻快啲嘅歌曲，而我哋系玩跳唱嘅，所以我觉得公司揾Jerald监制系好锡我哋。Jerald系攞过（台湾金曲奖）最佳专辑嘅前辈，揾得佢成品一定要有好好嘅质素，至少第一首歌都系稳阵。另一边厢，Eric系Mike嘅导师，所以就会机缘巧合之下有呢个安排。”
由于Jerald身处加拿大，P1X3L要利用视像会议软件与对方沟通，并仿效容祖儿与舒文合作，在北京隔空录制《东京人寿》的方式为新歌录音。与其他歌手相似，他们与Jerald初次见面时，都觉得对方是位十分严格的音乐人，George更指：“第一次见已经好惊，觉得佢好恶，记得佢攞金曲奖嘅时候都冇乜笑容，真系会觉得惊。不过去到真正录音之后，就发觉佢真系好友善、好细心嘅人。”在Jerald指导下，他们在咬字上有改善，亦明白这是录音上最基本的一件事。
情况与容祖儿隔空录音一样：
虽然第一次录音已要隔空合作，但P1X3L认为过程顺利，Phoebus指在Jerald指导下，他们学懂如何放松：“佢无时无刻都揾方法想你放松啲，会系咁讲笑，又会鼓励我哋放胆唱出嚟。你可能会惊自己唱错、甩拍子，但系佢好宽松，觉得唔紧要，叫我哋慢慢嚟，所有嘢都会令你好舒服。”
谈到前辈对自己的评价，Marco记得Jerald无时无刻提醒自己要放松，才能把高音唱得好。而Phoebus则获对方大赞“一定会红，唔使担心”，觉得他无时无刻在鼓励自己：“身为一个咁嘅前辈，佢会咁同后辈讲，仲要我哋只系第一次合作，所以佢真系好锡啲后辈。当然佢都有提点我要改善咬字，但系佢会叫我唔好担心，放松啲唱晒出嚟，呢个就系佢嘅鼓励方式。”
面对如此高的评价，Phoebus直言有压力，又指过往会将负评放大：“可能有十个人赞你，得一个人弹，你都会系咁谂呢一个人嘅言论，问自己究竟有咩系唔得。当然有人赞我都会好开心，亦都要令自己可以做到人哋期望嘅位置，唔想令人失望。”
最后问到新人年P1X3L的期望和目标，此时Marco和Phoebus都叫George拿出自己的手机，原来他的手机桌布除了三人合照外，亦记下两大目标：“叱咤乐坛新人奖（生力军）”、“叱咤十大歌曲”。在出道第一年要赢新人奖，相信是不少初出道歌手的目标，但要在“专业推介叱咤十大”中榜上有名难度甚高。George解释：“系畀自己嘅一个目标，不过最终都系想更加多人认识P1X3L。”Marco坦言：“的确系唔容易，当系畀自己一个动力，做到又好，做唔到又好，为之而努力。”
捐款支持：【慈善音乐会】仁爱堂疫境展关怀