后生仔倾吓偈｜郑衍峰一句辣着冯盈盈　只因介意身材比前度逊色？

最新一集《#后生仔倾吓偈》以“情侣间最难答的问题”为题，冯盈盈表示：“男仔可能对于经历、回忆方面唔太在意，但有啲位好执著，例如系佢哋嘅雄风同自尊心，要觉得自己系最好，咁先可以满足同保护到自尊心。”绯闻男友郑衍峰就话有条问题好多女仔都会问：“到底你啲EX身材好啲，定我身材好啲？我而家即答，即系我幻想返EX嘅身材，咁又死，你话你身材好啲，又……”陆浩明在旁即时插咀大叫“讲大话啰一定系”，或者系因为郑衍峰太多个人感情在其中，搞到全场后生仔都爆笑，唯独冯盈盈好大反应：“你做咩话人哋讲大话？唔准屈人”

郑衍峰之后续说：“通常咁问得，都知自己系无对方身材咁好，所以想得到优越咁？”并无视冯盈盈接二连三地问“you sure?”又话自己遇上呢种情况，最终可能会话自己无拍过拖。冯盈盈闻言表示：“我听过一种几好嘅答法，就系‘谷出嚟咋嘛，你谷的话仲劲啦’”对于呢个答案，陆浩明解读成“即系而家呢位无咩身材”，估唔到呢一句即辣着盈盈，并以“谷系要有啲嘢先谷到嘅！”反击，郑衍峰闻到火药味后，就话：“问我𠮶位女仔嘅身材都唔错，但佢觉得自己比前任逊色，所以特意问呢个问题。”冯盈盈随即反白眼以示不满。

点击下图睇冯盈盈发火