结婚10年育有2子女　性事力不从心　性治疗师：丈夫有句难言之隐

良好的夫妻关系，性生活是重要一环。惟当夫妻之间出现性问题，却不是人人懂得宣之于口，正面解决。资深性治疗师何慕诗分享真实个案，拆解夫妻间常见的性问题，剖析主因及应对方法，让夫妻们借鉴，从中学习经营关系的小秘诀。

按图即睇个案拆解：

沟通点到即止　甚少诉说真实感受

资深性治疗师何慕诗表示，夫妻间经常遇到的性问题离不开做爱次数。“好多人会觉得男方想要多啲，女士觉得攰、辛苦、唔舒服、配合唔到，但其实同样情况，女士亦会想要多啲，但男士觉得应付唔到。”

她指，影响关系的一大原因，是夫妻间的沟通总是点到即止，未能坦诚诉说感受。“好多时佢哋都会唔讲真实嘅感受，唔讲真实嘅原因。如果话，‘两夫妻好多嘢真系要摊出嚟讲，坦白、老实咁沟通’，呢句说话看似冇乜问题，一齐生活就自然会沟通㗎啦！但事实系好多夫妻甚少将性嘅话题拎出嚟讲，就算讲都系好表面。例如‘好攰’、‘压力好大’、‘唔舒服所以唔想做’，点到即止。”

何慕诗分享，当夫妻其中一方向她求助，通常会有单独会面的时段，而她往往发现，其实可以挖得更深入，说出生活上很多细节和问题，导致他们愈来愈拒抗与伴侣发生性行为。

诞下两名孩子　夫妻关系开始恶化

其中一宗何慕诗曾处理的夫妻个案，丈夫四十出头，妻子三十到尾，结婚差不多十年。从拍拖开始，男方在性方面也颇为主动，女方亦配合得不错。婚后诞下第一胎后，夫妻间的性生活维持一个月三次左右，比以往少了，但仍可接受。“当要照顾小朋友、返工赚钱，性呢样嘢唔再系夫妻生活嘅首要考虑。好多嘢觉得今日唔得咪等听日，听日唔得咪等后日，不断拖延，但唔代表佢哋唔想。”

第二名孩子出生后，有一段时间，太太的身体及心理状态仍未完全恢复。“惊整亲伤口，又冇咩时间做运动。体形变咗，自己望住块镜都会有少少嫌弃自己。但因为佢本身系乐观嘅人，会相信老公咁爱我，唔会介意呢啲表面、肤浅嘢。”

后来太太的身体完全恢复，渴望有性行为时，却发觉对方愈来愈抗拒。“佢明显发觉老公愈来愈唔想要，做嘅时候都感觉到敷衍、力不从心，勃起有困难。或者明明前戏做得好足，气氛好好，勃起硬度都没有问题，但当老公知道要进入，或者入咗去好短时间，就开始软，软到完全不能完事。佢哋亦有继续刺激对方，尝试令老公可以硬返，有时成功，有时失败，而失败嘅次数系愈来愈多。”

太太遂尝试与丈夫讨论问题症结。“有问过佢老公，究竟系咩事。‘点解你而家嘅反应系咁？系咪我唔吸引？系咪你唔爱我？系咪你出面有其他女伴？’老公一直话‘我唔知点解’，但站喺太太角度，一个男人理应有性需要，你唔同我做，即系你出面有人同你做，开始影响互相嘅信任。当太太心情好，就冇俾压力佢，心情唔好，就会发脾气、爆喊，诸如此类。”

接受治疗终坦白　全因一句难言之隐

拖延超过一年，夫妻决定向性治疗师求助。何慕诗忆述，与夫妻双方会面后，感觉到丈夫欲言又止，遂安排单独会谈。“老公终于忽然好坦白，话因为太太入面好松。无论前戏做得几足，有几硬，一入去阴茎感受唔到任何压力、刺激，佢形容系‘空荡荡嘅感觉’，自然谢返。”

原来对丈夫而言，要向妻子道出实话，是非一个丈夫所为。“佢本身心里清楚知道个问题系乜，但正因为同太太嘅关系好，太太又帮佢生咗两个好可爱嘅小朋友，佢觉得唔可以，亦唔应该去介意太太嘅阴道松咗，呢番说话无论点都讲唔出口！所以无论太太几唔开心、几嬲、几发癫，佢都只系默默容忍，其实怕伤害到太太。”

医学角度理解问题　改变沟通方式

当丈夫道出问题症结，何慕诗便从医学及生理角度，向夫妻解释事情始末。她首先让丈夫明白，当做爱次数愈来愈少，男性的性荷尔蒙睪丸酮素会下跌，令性需要减少。当意欲少、功能差，对房事愈感抗拒，相对亦不能刺激睪丸铜素上升，跌入恶性循环。她同时向妻子解释，生下孩子后对身体的影响，丈夫的身体转变等。“运用同病人沟通嘅技巧，令佢哋对事唔对人，太太唔会觉得先生系针对佢、嫌弃佢。当佢哋对件事嘅理解多咗，对双方嘅体谅亦大咗。心情转变，关系亦好咗。”

太太由认为自己没有问题，到开始慢慢改变，主动寻找方法收复阴道，希望令阴道壁增厚，提升紧致度，与丈夫间的性爱享受亦渐有改善。“最后引导佢哋喺将来日子，要采用全新嘅沟通模式，令佢哋唔需要再隐瞒，惊对方听咗唔舒服，亦令听𠮶个懂得分析对方说话，唔会将所有嘢看成系针对个人。”

相关文章：一个月行房一次正常吗？　理科太太用科学角度分享性生活最佳频率

一个月才跟丈夫有一次性生活，正常吗？（按图了解）