向太公开万呎台北豪宅对正101 客厅大到一眼望唔尽
撰文： 洪晓璇
出版：更新：
向佐同郭碧婷囡囡今年10月1 日于台湾出世，荣升嫲嫲嘅向太心情大靓，早早同向生飞到台湾隔离迎接孙女。而且喺北京、台北各购入一间价值1.6亿港元嘅豪宅畀阿仔一家三口﹗呢日佢就喺微博分享台北信义区豪宅贵气装潢﹗
最新5G手机12 Pro随时属于您！投选“01最赏睇娱乐大奖”兼答简单问题，内容写得最精彩、令人印象深刻及令人产生共鸣的答案就可以成为巨奖得主啦！
台北信义区系当地豪宅地段，向太购入嘅呢间系台北TOP 3知名豪宅琢白，低密度设计30层只有43户，私隐度十足，亦系信义区唯一设计顶楼泳池兼可欣赏101嘅豪宅。31楼和顶楼规划系会所，包括有宴会厅、健身房，顶楼更有温水泳池、星光SPA水疗池、景观平台等，并配备专属管家及私厨。
睇返向太分享嘅照片，目测近万呎相信系高层一梯一伙，全落地玻璃景观开扬，单系饭厅已经大过好多香港人屋企，巨型正方饭台可以坐12个人，水晶吊灯设计感十足﹗整间豪宅以木色及白色为主，奢华而不俗气，长型客厅深不见底，放下三四张巨型梳化，仲有一部三角钢琴。向太喺微博分享金句话：“人生的四个境界：不想上学，不想上班，不想上医院，不想上西天。”幽默加了一句“只想玩孙女”，喺咁大间屋凑孙，绝对系乐而忘返。
点击睇呢间台北豪宅：
+16
同场加影：郭碧婷产女获向太送赠1.6亿豪宅 4500呎大屋装修低调又奢华
逐格睇向佐与郭碧婷的4500呎豪宅：
+20