专访︱洪嘉豪认新歌《穷小子》反映现实：都想喺妈咪面前争番口气

现年29岁的华纳唱作歌手洪嘉豪，最近推出由他亲自作曲、陈咏谦作词的全年压轴单曲《穷小子》，借一段爱情关系，带出“人穷不能志短”的道理。为配合新歌宣传，嘉豪日前现身铜锣湾一家台式饮品店担任“一日店长”，以呼应他在MV里的角色，既要在水吧学习冲调饮品，又要记得份量，就连收银也得负责。“拍MV𠮶啲都系Mood Shot，所以学得冇咁仔细，譬如话杯嘢饮要摇15下，所以其实系假嘅，今日就真系要学喇，学咗3杯，店长佢好用心教，我前后只系用咗3个字（15分钟）就学识咗，同埋今次学嘅呢3杯唔使摇，只系记份量，但大细杯都有唔同，系一次记性考验。”
冲一杯饮品容易，写一首歌却很难，作完之后还要到录音室唱出来，更不容易，毕竟歌手的职责并非站在人前唱K，自己就是演绎作品的第一人，没有前人参考，先理解歌词意思，再将情感拿揑精准，太多便矫情，太淡则乏味，如何才能唱出所需神髓？如果是表达热恋中甜到漏的感觉，抑或失恋晴天霹雳痛到癫，这种大喜大悲应该不难掌握，有趣是，《穷小子》的主题表面讲爱情与面包，但“要争番啖气”、“做个负责任嘅人”才是重点，“所以收到陈咏谦份词嘅时候，佢有Message同我讲，话以前试过因为一啲事，我为妈咪而喊，佢就话：‘如果录音时谂唔到任何对象，不妨谂下你妈咪。’所以呢首歌都几反映现实，但我冇后悔过做呢行！”
撰文：游大东
访问摄影：梁碧玲
鸣谢：丸作食茶

即投“01最赏睇娱乐大奖”兼答简单问题，被选中内容最精彩、令人印象深刻及令人产生共鸣的答案，就有机会赢最新5G手机12 Pro，按此即投赢巨奖！

“疫”市连推四首派台歌

2020年洪嘉豪相当多产，全年埋单计数，总共推出了四首派台歌，相比2019年只得一首于六月推出的《十号储物柜》，2020年的产量逆市爆升，洪嘉豪直言时势如此，亦只有这样，“而家你话疫市啦，作为歌手你唔出歌，都冇咩其他特别嘢可以做。”他说，面对这场历时接近一年的世纪疫症，或多或少都会影响香港人的听歌习惯，“数据上反映到系有嘅，我觉得音乐会唔会就系其中一个大家少咗出街留喺屋企嘅娱乐呢？”

“今年自己都几满意，因为满足到各方面，又满足到自己，啲歌又做到对得住自己。”满意在，四首作品，曲风回异，先有“瑞典制造”的Synth-Pop作品《我说不可以》于一月打响头炮；四月则有调子哀伤沉郁的内自白作品《自问自答》；八月再来另一首Synth-Pop《曲线型恋情》，去到十一月中推出压轴作品《穷小子》。洪嘉豪坦言，正因为今年能够完成这几首作品，令他在音乐创作路上的方向更明确。“有两条路我系想继续行，一条系慢啲嘅抒情歌，即系好似《穷小子》咁，今次唱呢首歌，系因为太耐冇出一首讲爱情嘅歌，上一首已经系2018年嘅《掉进海的眼泪》，（相隔太久）有时都会畀啲Fans闹。”

日前洪嘉豪在铜锣湾一家台式饮品店担任“一日店长”，点击图辑细看当天情况：

慢歌才是主流　瑞典之旅开拓眼界试唱快歌

守住最有叫座力的情歌市场，另一条洪嘉豪想走的路向，就是如《我说不可以》的欧西风格快歌，“我知对香港人嚟讲，慢歌先系主流，我自己都系㗎，成长阶段都系听慢歌，但我本身又钟意呢类快啲、Pop啲，畀人感觉欧美一啲嘅音乐，我好想向歌迷分享呢样嘢。”半年前，跟洪嘉豪属同公司的陈蕾担任香港电台第二台音乐节目《骚动音乐》时，曾经与Mike Orange一同演绎结他合奏版的《我说不可以》，并透露Demo是由她演唱，“佢同我分享一啲佢喺斯德歌尔摩写嘅歌畀我听，一听到《我说不可以》之后，我就话呢只歌好正，可能系我听过你嘅作品之中最正嘅一只，佢个Demo其实都系女仔Key，不过冇歌词，咁啱𠮶阵时佢就收到歌词，然后就话：‘不如你试下唱！’，我都未知点唱，只系觉得首歌好好䟴，就好即兴咁帮佢唱咗个Demo出嚟。”

洪嘉豪指，2019年6月在公司安排下，他与卫兰、监制Alex Fung一同前往瑞典斯德哥尔摩参加创作营，为期三天，跟当地音乐人交流，而《我说不可以》就是当时完成的作品，“瑞典系一个电子音乐‘大国’，去到同当地嘅音乐人玩，当然唔好做啲我自己做到嘅嘢，而系尽量拎佢哋啲嘢（学习知识）啦。”然后洪嘉豪便跟另外三位音乐人LIAS、Kamilla Bayrack和Cecilia Nyquist一同创作，“Writing Camp完咗之后，有一个作品试听大会，喺一个音响好劲嘅情况下，啲声大到好似开Party咁，当首歌播出嚟嘅时候，大家都真系好似好High咁，我觉得系几Party Vibe（派对气氛）嘅，就知道一定要用呢首歌。”

创作《我说不可以》　初次涉猎电子音乐感刺激

“首歌听落啱开P”其实还未能够具体说明《我说不可以》让洪嘉豪有多兴奋，“我做呢首歌嘅时候觉得好刺激，刺激在个Possibility高好多，讲紧音乐上嘅音质，同埋电子声可以有千万种，虽然我唔系最叻呢样嘢（音乐领域），但平日都会同唔好嘅音乐人，好似Gareth（陈考威）或者Alex Fung，一齐去研究呢类音乐，会去Reference一啲外国过手，期间能够喺一首度歌入面，探索到无限嘅可能性，我觉得呢个过程就系好玩刺激。”他说，作为唱作人，判断一首快歌是否成功相当简单，“你听完之后有少少郁动，已经叫成功咗一大半。”

所谓“歌有歌命”，而慢歌又往往“好命”过快歌，毕竟制作过程与传唱度来说，慢歌必定容易抓紧听众的心，偏偏《我说不可以》的出现，为洪嘉豪带来入行以来第一首冠军歌，夺得商业二台“903专业推介”2020年第11周的第一位，不过洪嘉豪透露整件事的背后颇为曲折。时间线回到2019年6月，洪嘉豪从斯德歌尔摩返回香港后翌日，全年唯一一首派台歌《十号储物柜》便推出，之后唱片公司原本安排他再造另一首歌，“系首慢歌，就连Master（母带后期制作）都做晒，但最后都冇出到。”反而《我说不可以》竟然“迟来先上岸”，抢先于今年年初派台。

《穷小子》不只讲钱：想为另一半争气

洪嘉豪解释临时转阵的考虑。“当时唱片公司啲同事都觉得，呢首歌唔系好夹到我本身嘅性格，大家都有啲想向前行，同埋要谂点样向前行，但做完首歌之后又觉得好似冇向前行㖞，于是会问：系咪应该唔好出住呢？”面对疑问，整个团队决定停一停、谂一谂，最终得出以下共识：“唔好谂其他嘢，就去做一啲令自己好兴奋、刺激到自己，又觉得好好玩嘅歌，即系你个人系点，你就做呢啲歌，啱㗎喇，咁就决定用《我说不可以》（派台）喇。”

撇开《自问自答》的自白不说，《我说不可以》、《曲线型恋情》和《穷小子》其实都在讲男女之间的感情关系，只是观点、角度，还有力度不同而已，“《我说不可以》（男朋友对女朋友）语气强硬啲，《曲线型恋情》就比佢轻，同埋讲嘅嘢Sweet啲。”来到《穷小子》，对于二人之间的关系描写更加深入，不谈拍拖时会出现的甜言蜜语和因小事而嗌霎，反而描写一段关系里，因为彼此出身不同、经历不同，甚至价值观不同，而令到相处时会出现的无奈，并非单纯讲没钱很穷那样表面。

“爱情上因为相处，有时都会觉得好无奈，有好多嘢控制唔到，但冇理由就咁算㗎嘛，惟有靠大家努力去解决，当然你而家听到《穷小子》好似好负面，但（内容）其实好正面，去到最尾都系讲：‘我会为咗你，做番一个负责任嘅人，我会为你而努力，会为你争番口气。”

点击下列图辑，欣赏《穷小子》的MV拍摄花絮：

不忍母亲受苦　听JW《安全感》代入爆喊

香港地，“做音乐 = 穷”似乎已是恒久不变的真理，我好奇，到底《穷小子》这首歌有多反映洪嘉豪面对的现实？“穷就一来啦，尤其系今年，真系差咗好多，我指喺呢个Industry入面，所以我觉得呢首歌都几反映到现实，咁惟有努力啰，我又冇后悔做呢行。”到录音室录歌时，如何拿揑需要释放的情感？“收到歌词嘅时候，陈咏谦有Message同我讲，如果谂唔到任何对象，不妨谂下你妈咪，可以用呢份歌词套落你妈咪度，你妈咪觉得你得㗎！”并非陈咏谦懂得读心，而是洪嘉豪曾经向他说，自己曾经因为一件小事为母亲哭了，所以才会有这种提议。

男儿有泪不轻弹，能够为一个女人“流马尿”，必然是令人心痛的事。“因为妈咪比较节俭，佢唔舒服就唔（舍得）去睇私家医生，我话唔好啦，我帮佢畀，但佢死都唔肯，要去排政府专科𠮶啲，可能要排一个月，我觉得冇可能辛苦自己一个月。”洪嘉豪想做乖仔尽孝道，母亲不允，他惟有照听，直至有次在车上听到JW的歌曲《安全感》，“𠮶阵时呢首歌刚刚推出，唔知点解听完𠮶首歌，我就一路幻想歌入面嘅角色系我同我阿妈，我就喺架车度系咁流眼泪，喊足全程。”

翻查资料，JW这首歌于2017年推出，当时洪嘉豪仍未出道，所以有此感触并不出奇。相隔3年，昔日担任幕后，去到今天来到幕前，洪嘉豪已经推出多首作品，亦曾经夺得“叱咤乐坛生力军金奖”，今年有4首歌推出，而2021年的工作亦已经有明确方向，相信妈妈应该不用再那么担心，因为儿子一直都为自己的音乐事业努力发奋，“我都想喺我妈咪面争番口气！”