郑丹瑞囡囡十岁饮酒　忆睇细女跳钢管舞：突然扯开衫裤著T-back跳

11月27日系郑丹瑞66岁生日，太太以及两个囡囡都喺身边陪佢庆祝。旦哥一向同两个囡囡感情都相当好，有咩事都可以倾诉，最近旦哥同王浩信、陈豪一齐接受访问，同两位年轻爸爸抛下震撼弹：“你预佢哋15、6岁就开始要去兰桂坊玩﹗”

剧集《非凡三侠》演员王浩信、陈豪（阿Mo）及郑丹瑞（阿旦）接受《Tiger's Talk》主持人伍咏薇和林盛斌（Bob）访问，伍姑娘与阿Bob形容三位是圈中型爸，与他们大谈子女经。面对两位年轻爸爸，旦哥2个囡囡已经28同29岁，立即向佢地抛下震撼弹：“我两个女10岁左右，我老婆就慢慢教佢哋饮酒，你预佢哋15、6岁就开始要去兰桂坊玩，咩酒都畀佢试吓，畀佢哋知到底系咩。”

郑丹瑞直言自己系个开通爸爸，细女郑珉（Amanda）学钢管舞，有次演邀请父母及家姐捧场，但旦哥忆述就话：“我们一家三口去，起初都冇乜事，佢突然扯开衫裤著T-back加Bra Top，我同老婆吓一跳......完骚当然照样话跳得好好睇，Very Good，表面上无咩，呢种舞是要那么性感才好玩，我当然照由她玩，不过之后就不会再去睇。”旦哥话依家周日系家庭日，就算细女已搬出去住，也会自动自觉返家食饭，仲会带同外籍男友返屋企一齐打麻雀。