新冠肺炎︱林作爆妈妈系跳舞群组：佢依家喺内地风流快活

近日新冠肺炎第4波疫情愈见严峻，当中“跳舞群组”确诊人数直线上升，上流社会阔太团人人自危。一向言论出位嘅林作，早前为维护女友裕美与富妈妈公开决裂后，11月25日忽然喺社交网站爆料：“我妈妈系跳舞群组嘅。”

林作妈妈王莉妮公开表示不满个仔同裕美拍拖，不时隔空驳火，早前林作已经喺网上以长文数落妈妈唔尊重女友，声明拒绝与林母再有任何商业合作。呢日佢又喺Facebook贴出林妈妈照片，见到佢喺旅游巴站，左手贴住“南山区”贴纸，林作爆料话：“我妈妈系跳舞群组嘅。不过佢醒目，收到风有人有嘢，走咗佬先。老母永远系至醒目。依家喺内地风流快活。”