莫可欣自爆与方中信好多拗撬：同佢完全系两个世界嘅人

51岁嘅莫可欣当年由瑞士返港参加选美，虽然经常被指系“最丑港姐”，但完成无影响佢同方中信嘅感情，并多次为佢护航，大赞莫可欣大方与包容，二人拍拖12年于08年拉埋天窗并育有一囡。已经淡出幕前多年嘅莫可欣。日前接受好友林颖娴YouTube频道访问时，提及夫妻相处之道时，她竟然说：“唔系日日都风和日丽，好多拗撬。我同佢完全系两个世界嘅人，尤其是我要出去做嘢、佢拍嘢，大家接触嘅嘢好唔同，要维系真系要迁就，通常都系佢闹交，我好少，最多都系黑面，都会去到一个点系好辛苦。”

莫可欣表示会与方中信倾佛计，告诉对方或许因为前世有啲嘢未还到俾大家，所以才会有今世。“所以不如今世大家对大家好啲，希望来世唔好做夫妻，做普通朋友，两个人互相嬲。”莫可欣表示因为信佛的关系，所以近年会打坐同念经。

提到当年选美原因，莫可欣表示系因为嫲嫲报梦，加上当时未揾到工作，所以决定一试。当选后，虽然公司曾安排试镜拍剧，但莫可欣坦言自己“屎戏”，对自己参演过嘅作品并没有太深刻印象。“最记得《真情》，因为多人睇。我堕入唔到角色，因为唔够放，所以无呢方面天份。之后做主持我又多懒音，有观众写信希望我改善，做几年《K100》主持系几好训练。”

选完港姐5年后，莫可欣有感发展不如理想，于是决定离巢，第一份工是在建筑物公司做大老板助手，陪对方到欧洲倾生意。“但都系唔习惯朝九晚五生活，所以三个月之后无做，每日打卡后入厕所瞓20分钟。之后自已搞生意做过形象顾问，入《MTV》完全系dream job，做咗7年，成日飞新加坡开会。”成为全职妈妈后，莫可欣坦言对幕前仍有眷恋，特别系囡囡出世后第三年，曾想复出工作。“但唔系咁易，一来好攰，二来经历太多，知道屋企系最重要。”莫可欣表示近年因受女儿启发，所以开创了slime（俗称鬼口水）生意，疫情虽令生意受到影响，但她仍打算开分店。