蔡思贝自爆曾恋德国男　至今肩膀上仍留有爱的疤痕：系几感动

入行后绯闻不断嘅嘅蔡思贝，曾有“人肉发电机”之称，同佢合作过嘅男艺人基本上无一幸免。喺最新一集《#后生仔倾吓偈》当中，曾在德国留学嘅蔡思贝分享了“ 德国日常生活志”，节目中，她除了透露当地人非常open之外，更自爆当年选港姐时，其德国男友放弃工作飞到香港陪她，十分痴情。二人虽然分手多年，但至今仍保持联络。

节目中，蔡思贝提到当年在新西兰读完中学之后，在误打误撞的情况下，以交换生身份到德国做保姆，并照顾三个小朋友。由于当时对德文零认识，除了报读语言课程之外，最快捷嘅当然系“识朋友”，提到与德国男友的认识过程，蔡思贝直言非常浪漫：“有次我同朋友坐喺河边饮嘢，佢同佢朋友又系，当时大家互不相识，饮完之后离开，我嘅女仔朋友因为饮得醉醉哋，成架单车撞埋我单车，我当时整个人被抛出来，肩膀擦到水泥地上，即时被削至见骨，当时连血都无流，系流油！我唔知点算，然后佢就突然出现了。”

蔡思贝忆述英雄救美一幕发生于郊区，附近只有一个油站。“佢令我好深刻印象，系佢特登入店里，问职员借肥皂洗手，再帮我处理伤口。”不过在消毒、包扎伤口之后，二人只系互相加了FB，直到9个月后在酒吧遇见，继而发展成为情侣。蔡思贝自认喜欢浪漫，而德国男又十分诗情话意，最浪漫一次是二人在圣诞时去了瑞士滑雪，由于对方是滑雪教练，成件事就更加浪漫。

问到是否因为选港姐而放弃了恋情，蔡思贝表示当时曾向对方派定心丸：“我同佢讲选完就返嚟，点会唔返，我𠮶时系预计放完暑假返德国继续读书，冇谂过系发展到而家咁。佢系飞咗过嚟香港，希望系可以继续，佢有尝试揾工，最终在室内滑雪场揾到份工，我都几印象深刻、几感动。但无可奈何，当时太多嘢发生，根本拍唔到拖，佢同我父母一齐时间仲多过我，佢好抑郁，又无金钱、又无朋友，所以返回德国。”恋情虽然无疾而终，不过蔡思贝就话到而家都同呢位前度有联络，但当佢发现自己唔小心自爆情史时，都忍唔住讲咗句：“点解我会喺公众节目讲呢啲嘢。”

点选下图睇德国男有几冧蔡思贝