暖男爸爸专访︱陈俞希入行十年靠“八婆”入屋：出街最多人咁叫我
ViuTV原创剧《暖男爸爸》紧接住《熟女强人》，甫出街就获得观众一致好评，讨论区更有网民疯狂推文，除了领衔主演的郑中基和张可颐，近日焦点落在喜剧担当的陈俞希（Hailey）和强尼身上，两人演技确有长进。他们在《暖男爸爸》出街前接受《香港01》专访，谈及出道多年辛酸史，Hailey淡然地说，她最默默无闻、最尴尬的时期已经过去，尽管已经对“无名”一事释怀，但仍然希望透过《暖男爸爸》让人记得她的名字，“我好想啲人记得我多啲。”
撰文：邱爱霖
摄影：梁碧玲
服装提供：tout à coup（陈俞希）、O.N.S（强尼）
化妆：Sara Wong
发型：Jeff Wu
主持过档转型做演员
也许观众较少欣赏到Hailey和强尼做戏，但对二人的主持形象却不陌生。强尼从有线球彩台兼职讲波佬，到如今在ViuTV主持《全民造星》等顶级节目，主持功力有目共睹。至于Hailey则是水着模特出身，近年在《晚吹 — 空肚讲宵夜》被另一Mean爆主持梁祖尧笑称为“八婆”，更令她“八婆”一称成为节目icon之一。
虽然Hailey和强尼对住人群毫不怯场，但他们在演戏方面无疑是新手级别。尤其Hailey对首次拍喜剧大感忐忑不安，“我嘅紧张系在于：‘死啦，要做喜剧㖞……’因为我成日都觉得喜剧系仲难做过正剧。导演系拍嘅时候仲话：‘啲dramatic、开心啲嘅位，靠哂你哋啦！’”
专访│演艺事业源于足球场 强尼感激父亲传授基本功：睇嘢阔咗！
强尼赞郑中基拍戏够“松” Hailey与张可颐合作超放心
既然要拍喜剧，强尼和Hailey有否请教过喜剧出身的郑中基？强尼认为轻松戏不难，反而最难是正经戏，但幸好郑中基轻松自若的态度性情有助推动现场气氛，强尼形容为：“松”，“Ronald系一个好‘松’嘅人，佢嚟到现场就好‘松’㗎啦！但系佢平时咁‘松’，你睇佢咁多喜剧，但佢一收落嚟，同你做情感上嘅交流对白，𠮶个佢你平时少见，而佢一畀啲情感出嚟，现场𠮶种推动力就好强啦！”
至于Hailey，因为第一次与无线视后张可颐合作而相当紧张，但后来她发现张可颐相当平易近人。张可颐在拍剧期间不但帮Hailey现场整理头发，在排戏期间更主动叫Hailey大胆推撞她，起初她相当畏缩，“剧本入面，我同Maggie在公在私都会好多嘢倾，我哋要做到好熟络嘅感觉。所以我同Maggie排戏嘅时候佢就会：‘其实呢个位你可以咁做呀！嗱，你推开我啦！’咁开头你会惊㗎嘛，你第一次同大人物合作，推开张可颐，你会：‘吓？’但之后你会觉得好放心啰！”
Hailey与张可颐，以及强尼和郑中基：
被称“八婆”或叫唔出名都唔觉尴尬
ViuTV不似无线，没有提供艺员训练班，自创剧产出亦不多，想行演员之路的ViuTV艺员亦只可从主持做起，久久才有一个磨练演技的机会。纵然Hailey在黄心美离巢后，成为ViuTV知名度最高的其中一位花旦，更被外界冠以“ViuTV一姐”之称，不过她似乎以《空肚讲宵夜》中的“八婆”主持形象更为入屋，“出街最多人系叫我八婆。最初我妈好反感，但到最近我同佢既一次交流系，连我妈都话，‘你都系八婆嚟㗎啦！’”有次Hailey在街上几乎撞到一位婆婆，被她指骂“八婆”，Hailey笑言：“冇嘢呀！我都成日畀人咁叫㗎啦！”
纵使以“八婆”入屋，但最尴尬的地方是，不少观众仅认得“ViuTV一姐”的样貌，但始终叫不出名字，这也是许多ViuTV艺员面对的的窘境，Hailey会否对此耿耿于怀？“你话会唔会尴尬，我又真系冇乜咁嘅感觉。老实咁讲，以前拍写真嘅时候的确有遇过，好多时候记者就会系：‘阿边个边个，做访问啦！’以前细个𠮶阵就会谂：点解成日都唔叫我哋嘅？点解都唔叫我哋做下㗎？因为有啲时候唔可能叫晒8个一齐做，可能真系叫一、两个，咁佢次次都系叫𠮶啲人。有时候唔开心嘅系，𠮶阵佢好好，接咗某啲角色，但系佢成日迟到、表现得唔好……我𠮶阵时成日都谂：点解我做得好嘅时候，人哋都唔会叫我做（访问）嘅？”
Hailey：我好想啲人记得我多啲
最黑暗的时刻，也是成长得最迅速的时期。这些难受的经历反而令Hailey学识接受娱乐圈规则，渐渐地，她在不知不觉间已经对“无名”一事慢慢释怀，“即系以前我𠮶个moment，你要谂嘅时候，系𠮶几年已经发生所有你觉得已经最…（肉酸？）系呀！即系你以前会咁谂，后尾我开始慢慢接受咗个流程，佢哋访问，佢一定唔会问你㗎啦！原来个娱乐圈系咁行嘅，有话题性，咁咪问啰！咁你咪安慰自己，唔系因为你未努力，系因为个机会未到啰！都经历咗差唔多十年、八年啦，咁长嘅时间，咁依家就真系冇呢个感觉。”
释怀是一回事，但若是认真对待演艺事业的艺人，当然会想努力脱离“认得样叫唔出名”的阶段，让观众记得她不只是“八婆”，也是“陈俞希”，“我好想啲人记得我多啲，想多啲人几得我哋条线好睇。”
强尼“佛系”拍剧：呢套剧有人睇就得㗎啦！
既然想观众留下深刻印象，不如考虑发展成“荧幕情侣”？本来只是记者的玩笑话，然而强尼却认真回答：“其实你估唔到依家呢个时势嘅走向。我第一年做《全民造星》，我做头几集，啲人系耻笑，系用耻笑呢个眼光去睇呢个节目。决赛之前，佢哋十条友去咗皇室堡，企满4层楼。我就了解咗一件事系：当初你哋唔系笑㗎咩？我参与个节目，我都系其中一份子，我就知，原来系冇得计！我谂我哋成个制作团队都冇谂住系咁。譬如剧集，你谂住有套剧：呢套系啦㖞！（点知）冇事发生过。嗱，真心，我觉得旧年既《Ｍe Too》（假设性无罪）几好，但冇乜人谈论过。”
因为已经放下计算，强尼反而不介意网民闹爆《暖男爸爸》，有讨论度已经心满意足，“好同唔好都系一个讨论度，有人钟意我哋呢套剧系bonus。我拍咗几套剧咋嘛！如果你认为咁叫好，自己都觉得有啲离谱啦！”
虽然强尼和Hailey回望旧作《已读不回》时都会尴尬对望，笑著叹气：“唉呀！”但强尼对《暖男爸爸》要求不多：“𠮶一刻我哋做《已读不回》，起码都觉得自己尽咗最大努力。其实最想呢套剧有人睇就得㗎啦！”《暖男爸爸》至今播到一半，反应不俗，坊间一片叫好，相信当初强尼对剧集的期许已经实现了吧。
点击看强尼和陈俞希更多靓相：
点击看《暖男爸爸》更多剧照：