专访︱吴家丽指新人历练少演戏难免生硬：我后生𠮶阵都系一嚿云

访问前，ViuTV的公关姐姐先用WhatsApp备案说：“家丽姐Request，今次只得45分钟倾，佢话做得耐会好攰。”也理解，毕竟不是二八年华，体能状态无法回到年轻时，何况受访定必是“车轮战”，唔攰就奇。事实上她每晚八、九点便上床睡觉，同一时间，记者才刚好准备吃晚饭。“我都唔想咁早瞓，但有时凌晨四点几五点起身，去到八点九点就好似食咗安眠药咁，坐坐下喺度睇住个Pad咁就瞓着，但开工时又会调节番。”
无需工作的日子，家丽姐总会为有自己安排“独脚戏”，节目丰富，可以忙足一整天。近年她热衷学绘画，水墨画、素描、水彩、油画，都有涉猎，“一幅画，你真系要画3、4个钟，真系好嘥神，但我好钟意画画𠮶个过程，我觉得有颜色治疗法，日日对住啲颜色，系会开心啲。”身为“架己冷”，天生为食，更爱煮嘢食，每星期总会抽时间，从渣甸山住所出发，驾车到北角春秧街买𩠌，完全不怕人多。“多人又点？人嘅生活就系要行街市㗎啦，最钟意见到啲菜呀鱼呀生果都好新鲜！”
可以想像那个画面，吴家丽今年已五十有六，美艳如昔，跟她同年纪的人，绝大部份都已变成在街市里随处可见的煮饭婆和肥师奶，但她依然一个人，既因缘份未到，亦是心态使然：“唔系我选择单身，系我个人都冇野心，又好随缘。”独身多年，她习惯自由，“唔好为一个人去做一样嘢，而家能够睇自己想睇嘅嘢，食自己想食嘅嘢，做自己钟意做嘅嘢，我已经觉得好开心，你谂下几简单？！”一个人原来都可以尽兴，家丽姐每天都在过这样子的生活。
撰文：游大东
摄影：梁碧玲

“架己冷”　最爱蒸鱼

潮州人，天生馋嘴，讲到食，吴家丽难掩雀跃，家乡临海之故，对吃海产尤其钟情，特别是鱼类。“唔钟意食煎鱼，乜鱼都要蒸，又因为我系潮州人，钟意食雪冻嘅鱼，蒸完，食唔晒，就摆入雪柜，仲有新鲜嘅鱼饭。”黄花、马头、乌头、鲳鱼（仓鱼）和大眼鸡（木棉鱼或剥皮鱼），家丽姐都爱，“我又好钟意食蛳蚶，（潮式）生腌𠮶只，好正！”

她强调今天生活相当简朴，但对于吃，就算一人份量容易处理，也绝不马虎了事，尽可能在“随意”之中找新意。“我一个人住，唔钟意开个电饭煲（煮饭）再加一𩠌一汤，我唔系好钟意呢啲，始终一个人住，我好随意，譬如（晚饭）我会蒸条鱼，就系食𠮶条鱼，或者整个豆腐煲，如果煲汤，就净系食汤渣，突然想包馄饨，都会整两款，虾同韭菜，想有菜有肉咪整一品煲。”

没有聘请家佣，想食好啲，就要亲自落场。“我住渣甸山，旧阵时会喺铜锣湾附近学唱歌，学完一两个钟，再做埋Body（按摩）之后咪去北角春秧街买啲嘢，而家就会揸车落去买。”家丽姐说，“见到啲鱼呀、菜呀同埋生果好新鲜，颜色好靓，我就好开心，因为我真系好钟意睇呢啲嘢。”爱逛街市是表象，其实是她喜欢颜色缤纷的事物，入厨外，绘画是日常生活中另一个重要节目。

对感情不憧憬也不抗拒

“咩画都画，素描、水墨画、水彩、油画，都学过，我钟意用唔同素材去画，要画起一幅画，要十几个钟，有时甚至要花20几个钟，每次画3、4个钟已经好嘥神，所以一日画唔到几多，但我好钟意个过程，我觉得系有‘颜色治疗法’，日日对住，呢只颜色沟𠮶只，系会开心啲㗎。”家丽姐坦言，自细已喜欢绘画，更有想过长大后当画家，结果在幕前打滚40年，“呢10年我系比较悠闲，多咗私人时间，梗系想去学啲自己钟意嘅事。”也得承认，假若今天的吴家丽已成为人妻，需要相夫教子，大概也难有此雅兴，于画纸上创作。

“如果你话我有拍拖，或者早婚，有自己仔女，我谂我做唔到呢啲嘢，即系你有呢啲时间或者兴趣，都要同人哋（另一半）协调，阿仔钟意打波，你要陪佢、凑佢，老公钟意打Golf，你又要陪佢，呢种嘢（生活）我未必钟意。”家丽姐说，做人其实可以好简单，紧记要对自己好，要为自己的快乐着想，以下一句是她的智慧之言。“唔好为一个人去做一样嘢！”家丽姐指，对于男女之间的感情事，心态上从来都是随缘 ── 不憧憬，也不抗拒。

“我觉得，一个人去到咩时间都好，只要遇到对嘅人，自然会到对嘅路，你未行到𠮶度，又未遇到啱嘅人，咁又谈何拍拖谈何结婚呢？”言下之意，是遇不上吗？家丽姐说从来没有抗拒追求者，亦没有积极争取，但也有可能先入为主之故，因为幕前好经常演女强人、大家姐，令旁人误会自己气场太强，难以靠近，“学你话斋，好讲缘份，或者有机会嘅时候我又错失咗，总之我冇刻意去谂，其实而家你都好少见我出去做啲咩Event，开工就开工，宣传就宣传，就系咁多，社交上唔太活跃，少咗识啲新朋友，就好似我拍《熟女强人》咁，成班好姊妹都识咗十几廿年。”

接演《熟女》为戏瘾也为撑女人

数数手指，家丽姐已超过20年没有为本地免费电视台拍剧（对上一套已是1997年的亚视剧集《天长地久》），千禧年之后，更曾经明显减产，直到2014年才开始再度活跃，今年更一口气接拍两套ViuTV剧集 ─ 《熟女强人》以及《无限斜栋有限公司》，她解释是因为香港开戏不多，亦因为自己的岗位改变了。

“老老实实，呢十年，（香港）电影始终唔系咁多产，但做咗呢行咁耐，始终都系有戏瘾嘅！同埋始终都系男性主题居多，十套有八套都系动作、警匪、卧底，呢几年拍过《今晚打丧尸》同《我的笋盘男友》，戏份都唔算多。另一方面我多做过导演，拍过《花街柳巷》（与翁秀兰共同执导／2015）和《有客到》（2015），参与多咗幕后、编剧同埋统筹工作，但做导演真系好辛苦，因为我要兼顾埋幕前，所以都系专心做番演员好啲。”

要拍一套有靓人靓景靓衫的港剧

正因为电影市场依然由男性主导，所以家丽姐才决定要参演《熟女强人》，甚至参与故事构思，“因为《熟女》呢套剧嘅监制伍健雄，我同佢合作咗好多次，《有客到》同《女子监狱》（2019年拍摄，未上映）都系佢，而《女》我负责做埋策划，成日同佢吹水，佢话ViuTV想开剧，我话好呀，我好钟意大陆有套剧叫《欢乐颂》（第一季2016年首播、刘涛主演），讲一班几个女仔，唔同阶层、唔同职业、唔同性格，喺埋同一层楼度住，大家聚埋讲自己嘅问题，我觉得香港好少呢啲专写女性嘅电视剧，于是就帮监制起咗个故事大纲，ViuTV又钟意㖞，旧年年底开始埋班、见演员。”

吴家丽自1980年于无线第10期艺员训练班毕业入行后，过去40年演出作品无数，在大台产量尤多，“旧阵时真系拍过好多电视剧，古装时装都拍过晒。”今次她有份参与制作，剧集里必定要有以下元素，“我就系想拍一套简单得嚟，又要有靓人靓景靓衫。”家丽姐指，《熟女强人》不同角色，无论雪卵、换妻、Part Time Boyfriend、同性恋、一夜情，统统都能够反映现实，“只要打开个网，睇啲传媒报道，都会见到呢啲事，希望观众了解时下女性面对嘅问题。”家丽姐又指，如果《熟》剧受欢迎，不排除参考美剧制作，开拍第二季、第三季，“大台嘅《使徒行者》都有好多季啦！”

对曾乐彤难忘：佢系一个好有理想嘅女仔

今次饰演剧中“欢迎光临会”成员的，包括胡杏儿、吴千语、沈卓盈、陆诗韵、何佩瑜，全部都入行多年，而且有不少演出经验，唯一饰演其私人秘书的曾乐彤是新人，“佢做一个‘地狱黑仔王’，成日都神神化化，又唔识人情世故，撞板多过食饭，呢个角色几啱佢风格。佢成日都话：‘我好钟意做戏！’我话：‘吓？你公司唔系捧你唱歌咩？’，我觉得佢系一个好有理想嘅女仔，佢好想做好自己啲戏，奈何呢几年电影（发展）再加埋疫情，大家工作机会真系少咗，希望佢哋公司可以畀多啲机会佢啦。”

但今时今日当新人，获得机会以外，还要有豁达的心，面对网上海量负评，已曾经夺得“金马影后”和“金像奖”最佳女配角的家丽姐觉得，被质疑演技是每个当演员的必经阶段，那怕外界视乎实力派的她也是如此，“你唔好讲（而家），我后生都系咁，有时都会一嚿云，因为人生经验唔够，好多嘢你未经历过，你演出嘅时候系会有啲吃力。我都有同曾乐彤讲，呢段时间唔多机会，咪趁机学多啲嘢啰。”

点击下图，欣赏《熟女强人》的精美剧照：