大海男儿｜首做主持负评如潮 Phoebus认性格累事：有时好憎自己
ViuTV旅游真人骚《美女郊游游》于今年4月播出后回响甚大深受观众欢迎，拍摄班底（包括格仔导演Mike）食住个势开拍《大海男儿》，并找来三位《全民造星II》出身的新人担大旗，分别是24岁的《造星2》冠军Phoebus（吴启洋）、22岁的George（欧镇灏），以及20岁的Marco（叶振弘）出海攀石玩危险任务，试试三位新人会否带来意想不到的新火花。
撰文：赵允琳
摄影：梁碧玲
三个大男孩第一次担正做节目，主持方面难免比较难适应，不过George表示他们都已经有分配好各自的定位：“例如讲嘢主要都系Phoebus，因为佢讲嘢比较清楚，Marco就负责搞气氛，我自己就负责寸吓佢哋，令到个节目有啲笑位！”Phoebus坦言有时自己都比较缺乏idea，所以编剧间中都会帮他们设定一些搞笑位，例如“我系ViuTV美人鱼”这些称号，单靠他们自己绝对说不出。他亦大赞Marco是三人中的气氛担当，简直就是一个“行走的gag”，在镜头前镜头后都制造了不少笑料，令同行的拍摄的人员经常捧腹大笑。
《全民造星II》3名参赛者终于签ViuTV 吴启洋欧镇灏即拍行山综艺
共患难 由尴尬变熟络
George表示自己和Phoebus参加完《全民造星II》后有一起拍过节目，而且亦在公司一起上过堂所以比较熟悉，而Marco则是中途加入，所以一开始都不太熟有些尴尬。但在两个月的拍摄中翻过山越过海经历过生死，Marco笑言和Phoebus及George现时已经成为了好兄弟：“我哋系似共度患难嘅感觉，真系患难见真情！”Phoebus表示节目结束后亦经常见面，现在他们一个星期至少见一两次，除了打篮球，还会一齐去健身打拳。
网民负评如潮 Marco：只能做到导演要求嘅一两成
因为《美女郊游游》的成功，令同一制作班底的《大海男儿》，未开播已经备受期待，然而在极高期待之下播出第一集后，有不少观众批评狠批这三位新人表现未如理想，更大呻又闷又不好笑，无法理解节目组为何能将重任交托他们手中。Marco承认自己确实有很多不足：“第一集系有好多不足，未睇返节目之前都知其实系讲嘢好多甩漏，又唔熟悉个节奏，唔知咩应该讲咩唔应该讲，始终初出茅庐，好多嘢都未接触过，导演嘅要求可能10成都做得一、两成，但系导演都好细心咁提点我，慢慢就每集都有进步。”
George面对负评感泄气：真系因为我哋三个唔睇套嘢？
George坦言自己有紧贴观众的留言，心里总会有一丝期待能听到一些正面的赞赏，但见到的总是一些针对性的留言令他相当泄气：“‘三个冇观众缘’、‘又系呢三条友？’、‘我睇Mike导演仲好！’如果到时（睇完整个节目）佢哋再系闹嘅，我都冇计。坦白讲我唔想浪费咗Mike导演嘅一番心血，佢哋制作组用咗好多时间构思，但问题系，系唔系真系要单单因为我哋三个而唔睇套嘢呢？我会觉得好可惜。”
虽然有不少批评声音，但George却持乐观心态，认为至少比零回响来得好：“其实好矛盾，一方面觉得畀人闹系好事，起码有人睇，总好过有啲节目出咗街冇人睇冇人知，所以都会觉得被闹冇所谓啦，至少有人肯睇，系一件好事，所以我而家要学识点样去过滤一啲负评。”
Phoebus希望每一位观众可以不带偏见以放松心态来看节目：“希望大家唔好一开始就因为一啲偏见话‘你哋三个《全民造星II》出嚟废嘅！’，呢啲留言我觉得其实同个节目冇乜关系，同埋我觉得有讨论系好，但如果系针对个节目就会好啲。”
因为背负住《全民造星II》冠军的名衔，所以Phoebus无论是言论还是行为都更有包袱而放不开，他坦言与成为一个综艺人还有一大段距离：“基本上每一次拍完我都会揾导演倾偈赛后检讨下，睇下有咩可以再做好啲。其实我都有谂我个包袱究竟系啲咩，可能有啲位会惊自己讲错嘢，惊得罪人先会有呢啲包袱。”
Phoebus之所以怕自己讲错说话得罪人，是因为自从《全民造星II》后经常成为网民箭靶，令他一度失去自信，有时更显得自卑：“我觉得难听嘅系，一句就话‘呢条垃圾巴士’，或者‘呢条废巴’，我觉得佢哋冇去认识过我呢个人就觉得我唔配拥有呢样嘢。我知道自己唱歌唔系最好，呢方面我系冇乜天份，但我都有努力改善紧，但除咗跳舞唱歌之外，其实我仲有好多嘢去展示畀大家睇。我而家唯有尽力做好，带多啲价值观、开心嘅嘢畀大家。”
他又表示自己有少少完美主义倾向，很难才会对自己感到满意：“我好想做好每一件事情，所以成日都会过份担心，成日都会对自己唔满意，我有时仲会好憎自己，点解出到嚟讲句嘢都咁难听？”
下月 《全民造星III》即将开播，在不久的将来更会诞生新一届冠军，Phoebus坦言因疫情关系有不少计划无法实行，导致在去年12月成为《全民造星II》冠军之后都未有什么成绩做到出来，令他压力倍增：“我啱啱听到有《全民造星III》嘅时候，我𠮶阵系有少少‘啊！死啦《造星III》嚟啦！’喺成年入面，即系我未拍《大海男儿》嘅时候，系乜都冇！其实我好想做好多嘢，但基于疫情种种嘅原因，再加上大家嘅反应都有啲关系令自己好唔开心。”不过，Phoebus现时已经调整好心态，会做一样还一样，不要想太多：“其实唔谂《造星III》，例如TVB又会搞选秀节目，呢个圈会一路有人加入，唔应该畀自己咁大压力，应该要为一啲同样有梦想而努力嘅人而开心。”
《全民造星III》新赛制成卖点 强尼：参赛者知名度愈高愈难玩！
点击观看更多精彩节目照和专访照片：