熟女强人︱洪卓立惊现老态皮肤下垂 网友：佢睇落仲老过沈卓盈
撰文： 洪晓璇
出版：更新：
ViuTV剧集《熟女强人》正在热播，戏中胡杏儿、沈卓盈、吴家丽等多位女角故事虽为主干，身边男士亦相当重要。剧中沈卓盈遇上PTBF骆振伟，令暗恋佢嘅下属相当紧张。有网友惊觉呢位稍胖显老态嘅，竟然系曾经嘅小鲜肉洪卓立！
+6
1987年出世依家先33岁嘅洪卓立，2006年度英皇新秀歌唱大赛夺得亚军而晋身乐坛。主打清新花美男路线，外表俊朗，歌声温暖，出道无几耐一首《弥敦道》令佢爆红，“街边太多人与车 ／繁华闹市人醉夜”，几乎唱到街知巷闻。可惜其后因为肺积水休息一年，令声势无以为继。
近年佢有继续出歌及拍戏，但未能重回主角之列。呢次喺《熟女强人》中饰演证券行财经分析师，沈卓盈下属并暗恋对方。早几日播出佢揭穿PTBF骆振伟已婚，喺街头对质嘅场口，见到佢身形涨咗好多，面部松弛完全唔似33岁。网友不禁留言惊叹：“洪卓立开始变中佬”、“点解老得咁快嘅，皮肤好似下垂咁”、“佢睇落仲老过沈大师”。
点击逐格睇：
+13