Celia K.郭玥彤𡃁模变敢言KOL　BOB林盛斌力撑：事事亲力亲为

曾经有段时间，香港涌现大批𡃁模，但随住时间过去，好多已经转型做演员，有啲就结婚生BB。曾主演电影《一路向西》及《喜爱夜蒲3》嘅Celia K.郭玥彤（前名郭颖儿），2016年下嫁JANICE MAN文咏珊富商旧爱李冠锋后，先后诞下两个囡囡，并转型发展KOL事业，连BOB林盛斌都出长文力撑佢做自己﹗

Celia K.呢几年都有接KOL工作，最近仲开始拍片，又识自嘲又够放，“即系死𡃁模𠮶啲”毫不造作。BOB林盛斌转载并出POST力撑：“由当年嘅一个𡃁模，到今日，已经变身成为一个好太太，好妈妈，仲有努力工作、事事亲力亲为嘅好老板。但系，因为种种嘅原因，除咗家庭之外，咁多年嚟，佢从来未曾将自己最真实嘅一面嘅呈现出嚟。由今日开始，希望大家可以重新认识呢个女孩子，佢，叫 Celia，郭玥彤。”