《全民造星III》开锣即被闹爆　监制花姐无惧负评亲解背后洋葱

《全民造星III》周六（26日）举行记者会，共有50名参赛者会见传媒，监制花姐（黄慧君）在接受访问时谈到本季节目的原意：“疫情期间出面冇乜Job，MIRROR算系幸运儿中间都有工作机会，但我相信好多艺人都好惨，所以想借呢个平台畀入咗行嘅人有更多曝光率，希望可以共渡时艰。”《全民造星II》结束未够一年，对于“炒冷饭”等网上评论，花姐就表示无惧负评，最重要的是节目质素，以及能帮助人：“隔篱台《香港小姐》都系一年一次！”

《全民造星III》开锣，最为大众所诟病的就不得不谈“《造星II》参赛者／优胜者去咗边？”作为导师的彭秀慧就解画道：“一个人喺娱乐圈发展无论机会、资源有太多客观因素，自己做电影亦面对好多艰难，开套戏都可能唔够钱，公司都有佢考虑，《造星II》未必可以好似第一届咁食到个Timing。”彭秀慧又说到《造星III》与第二季的处境不同，刚好为苦无平台的经纪公司、新人提供一个曝光渠道：“呢个出发点系善良嘅，亦系善用资源，我唔见都唔知呢个世界咁多人你系唔识，但签咗公司，有太多人等待出道，但冇机会、冇钱、冇资源、冇人帮！”

《全民造星》前两季都是全男班竞赛，花姐亦曾明言不会做女版：“因为我会知道女人钟意边一种男人，所以我做节目比较容易控制；但同时我唔知男性钟意咩类型嘅女性，所以我拒绝。”可是今季却变成了男女混合赛，花姐坦言：“我而家都后悔！因为做男仔我净系顾性格、角色、表演，但女仔外表上我要执得好细，我花咗好多力气喺呢到。好彩MIRROR冇女仔，如果要我做女仔经理人，我应该会晕低。”

点击图辑睇今日记者会盛况：