【双祥见】黎耀祥讲男人尊严　称不该为女人拎手袋：显得好无能

撰文： 邝钰莹
出版：更新：
《双祥见》由阮兆祥同黎耀主拎,每集都会饮住红酒讲男人经。(影片截图)

由阮兆祥同黎耀祥主持嘅《双祥见》，最新一集两位各自分享了对“男人的尊严”嘅看法。黎耀祥认为只要另一半识做，男人已经可以好有尊严，并谓如今时代唔同，唔再系大男人话晒事。“不过女人应该都要学下，点先可以令男人觉得有尊严。有啲事女人系唔应该做，例如系叫老公或男朋友拎手袋。”

唔拎手袋之余,黎耀祥亦都唔会帮另一半拣内衣，只会负责埋单。(影片截图)

黎耀祥表示身边有朋友试过因为老婆发脾气走人，自此呢位友人每次接老婆时，都会帮对方拎手袋。“我作为旁观者呢个男人真系唔系好得，我觉得呢个唔系解决方法，同埋咁显得男人好无能。如果拎重嘢又或者佢睇嘢时帮手我系唔介意，但如果长期keep住呢个动作，对男人嚟讲有少少唔好。”之不过，阮兆祥就认为拎手袋好平常，仲笑言时下唔少手袋都十分中性，所以一啲都唔介意帮另一半拎手袋。

节目中，阮兆祥提到早年去欧洲拍摄旅游节目时，连埋来回香港时间，18日去咗9个国家,太多数半夜上火车,天光落车即开工,非常辛苦。(影片截图)

节目中，二人又提到“互相俾面”呢种学问，黎耀祥仲话“呢个举动一定要系向公众展示”。阮兆祥指出唔少女友或太太都好喜欢“夺命连环call”，尤其系另一半睇波时太投入，当女友或太太揾唔到人，自自然然就会揾老公／男友身边嘅朋友。对于呢个举动，黎耀祥就话自己未试过。“因为老婆通常同我一齐，好难走出佢五指山，开工又同佢一齐，唔开工返屋企又同佢一齐……”

点选下图睇视帝如何抗拒拎手袋

+11