细So偷食︱练美施澄清踢爆身份者绝非友人：有证据嘅人我心中有数
撰文： 陈芷颖
出版：更新：
商台前DJ细So（苏耀宗）日前惊爆曾背妻偷食，与35岁KOL练美施（Macy）展开一段长达2年半的不伦关系。事件愈揭愈多，Macy在晚上回复《香港01》时澄清并非友人向传媒踢爆自己真正身份，而是另有其人：“手上有证据嘅人我心中有数”。
Macy澄清在身份曝光前的照片以及对话都是由朋友向传媒爆料，但她的真正身份却是由第三者踢爆，而她100%确信此人并非自己朋友。对于这位爆料人的身份，Macy称心中有数：“如果系我朋友，佢一早就直接出，出得我（身份）都唔会系朋友。连登都起唔到，我朋友都唔会咁做，我自己冇必要咁对自己。直到我出现前嘅两则新闻都系朋友爆料，因为一直都冇人知道系我。除咗我同朋友以外，有知情嘅人想爆料，而呢个人我知道系边个，所以我先决心企出嚟，手上有证据嘅人我心中有数。”
问到会否担心爆料人爆出更多的照片或影片，她认为无论有或没有，都只能面对：“今日之后我都唔会再做任何访问，因为要交代嘅我交代完，再有或冇，我都只能面对，但相信除咗局内人都唔会有人有更多，而我呢一方面嘅交代已完结”。
传闻闹得热哄哄，Macy自知做错亦会承担所有批评：“我知道冇得解释，亦自知做错，但希望唔系畀人用大话去讲件事。无论批评系点，我觉得都应该基于事实去批评，我都会承担番所有评价同批评。我唔会讲系攻击，因为自己做错，公开就应该有勇气承担、面对，并唔系要挽回任何失去嘅野，我冇资格讲，我企出嚟𠮶一日就知道会冇左啲咩、要面对啲咩。”
点撃睇Macy照片：
+16
点击睇细So同老婆阿Wing的IG声明以及其他相：
+11