何远东三个月减30磅变瘦仔 撞样詹Sir：侧面呃到吓人
有“肥东”之称的TVB艺员何远东今日（30日）又再于IG发功，继上星期分享了一张戴口罩的“瘦东”相之后，今次更“除罩睇全相”，只见肥东无论样貌、身型，肥东都和之前大相迳庭，肥东回复《香港01》记者访问时笑言：“之前畀人话睇唔到样嘛，咁今次咪除口罩影埋全身。”
先回顾“肥东”嘅形象先：
最高峰240磅
肥东受访时表示，172cm高的他最高峰时高达240磅，不过做身体检查时，报告仍然“非常靓仔”：“咁我又冇三高𠮶啲嘅，但医生都建议我可以试吓减。同埋今次呢个疫情，所有工作都推迟咗，又未开剧，咁咪试吓啰，冇咩特别原因！”经过3个月的努力，肥东由230磅减至200磅，“我嘅目标系减多10磅，希望可以喺9月份之内完成到。（会唔会怕形响到你个肥仔形象？）唔会！虽然公司唔知我减嘅，但暂时未有话一定要我演肥嘅角色，同埋我又冇谂过会唔会影响到工作呢样嘢㖞，除非我减咗80磅啦！今日Post呢张相系角度问题啫，呢个侧侧哋嘅横切面都呃到吓人，同埋未有人企喺我隔离啫！同埋啲街坊虽然都话我瘦咗好多，但其实都系肥仔。”
睇睇肥东嘅减肥过程同最新成果：
日做近400下“Sit-ups”：
能够在3个月减30磅如此快速，肥东自认过程亦非常“变态”：“我一日会踩一个钟头健身单车，然后又会睇人𠮶啲hardcore嘅健身片跟住做，早晚都会做，例如Sit-ups 正侧加埋一日做400、俄式转体 200、Plank 尽做啦，30秒到1分钟，做两Set。”不过肥东都透露自己之前都有阻滞，曾经有几日磅数没加没减，然后肥东就定加操，再加上饮食少油、低卡路里、少淀粉质再戒公仔面，3个月减30磅效果显著：“其实健康先系最紧要啰，我都好佩服我自己个恒心同毅力，所以我觉得吨位重嘅人真系可以试吓，因为我减咗之后个健康都好咗，同埋系真系做得到！同埋呢排疫情，啲新闻又话啲‘三高’人士特别危险，咁身体健康啲点都系好事！”
同场加映：