百万富翁︱陈芷菁答错问题“悲剧”　陈启泰爆真相：戏剧效果

讲到香港电视史上尴尬经典时刻，一定要数亚视节目《百万富翁》这一幕：当时主持人陈启泰问：“以下那部不是莎士比亚四大悲剧之一？ A.李尔王，B.奥赛罗，C.哈姆雷特，D.罗密欧与茱丽叶。”而陈芷菁自信心爆棚咁话：“我知，B啱架喇，我读Drama㗎”，而旁边队友邓光荣听罢亦表现信心十足，以为答中，但结果当然是错啦！呢一幕“老尴”场面亦成为一时热话。

【百万富翁】陈芷菁重提当年答错瘀事：从此唔再参加任何问答比赛

陈启泰昨晚（25/8）现身无线电视城，出席音乐节目《流行经典五十年》录影期间接受《香港01》访问重提往事说，“其实我同芷菁熟都不得了，以前同佢喺TVB做《K-100》已经好熟，其实而家讲返真系有啲唔好意思，因为《百幕富翁》有个元素就系，如果有啲人早啲挞死系好好睇，有啲人攞百万走又好睇，会有个喜剧效果。其实𠮶个系明星版，咁所以点都会有少少提水嘅机制嘅，而当时监制又话唔可以𠮶个攞几廿万及一百万走㗎，而咁啱轮到有个要早啲foul佢出局嘅，而咁啱唔好彩又轮到芷菁同邓光荣大哥，所以冇提水咁多，咁所以我要对两位讲声唔好意思！”而该集除了陈芷菁之外,亦有已故著名音乐家黄沾，他在节目中同冯宝宝一队,二人夺得100万奖金。
点击逐格睇《百万富翁》陈芷菁答题目