众故事｜谢安琪认8分钟《合唱歌》宣传有难度：唔系特登做咁长！
Kay谢安琪在2017年底加盟Juno麦浚龙旗下唱片公司幻国文化，开始与对方展开为期3年的《the album》音乐计划，由她饰演的“浦铭心”和Juno饰演的“董折”同样深受乐迷爱戴。不知不觉，整个系列已经进入尾声，以一首《合唱歌》作为董浦二人的最终章。
《合唱歌》的时间设定于董折及浦铭心离婚后10年，偶尔之一在朋友的婚宴上重遇，期间有同学推举他们出来合唱，二人怀著尴尬的心情，重唱饮歌时所引发的连番感受。新歌将两首风格回异作品合二为一，先描述二人合唱前的尴尬，其后加插在17岁最甜蜜时期唱过的合唱歌，最后带回二人合唱后释怀的情绪。作品长达8分18秒，成为不少乐迷的著眼点，Kay认为：“佢唔系特登做到咁长，而系佢要交代嘅情绪起伏同埋剧情发展，系真系需要咁大篇幅呀嘛。”
Kay在今集《01众故事》坦言，最初收到歌词时，觉得填词人周耀辉使用的字词语气太重：“我嘅角色本身系冷艳、潇洒啲㗎嘛，对一个人仲有咁多爱恨、厌弃，咁咪好唔潇洒？”为更了解歌词，她在录音前直接与耀辉通电话，结果换来对方一句：“少年，你太年轻了！”
撰文：刘传谦
采访：游大东、刘传谦
短片：罗子扬
摄影：叶志明
剪接：陈尚欣
谢安琪服装提供：Ports 1961
化妆：Kris Wong
发型：Sing Tam
浦铭心重遇董折 感觉“核突”？
Kay一直认为，在《the album》的故事中，浦铭心是位在爱情路上格外潇洒的女性，所以重遇前夫董折后，其实不应出现歌中“我信他心有病”、“我怕他身有味”这些负面感受，于是乎打电话给周耀辉问个究竟，怎料对方取笑自己“见识少”。Kay说：“你可能真系冇遇过一啲咁耐冇见，而喺你心里面可以牵动咁多纠结嘅人。”了解过整个故事的来龙去脉后，Kay和耀辉分别以“尴尬”、“核突”来形容，前者终于明白浦铭心根本不想这件事发生，所以那些不舒服，并非出于对董折的憎恨，而是面对目下场面尴尬不能自已、不知所措：“一个人平时好似好潇洒、做到自己，但系喺𠮶一刻都做唔到自己，但系𠮶一刻做唔到自己先至系最真实。系要一个咁样嘅人，先可以逼到一个你都未见过嘅自己出嚟。𠮶刻先有趣呀嘛，如果去到𠮶一刻都仲系好淡然，就冇呢场戏做啦！”
向张继聪偷师 谢安琪更了解浦铭心
与周耀辉在电话交谈超过两小时后，Kay揣摩浦铭心在《合唱歌》的情绪时，亦开始想起与丈夫张继聪（Louis）的对话。近年活跃影视界的Louis认为演员需要正确寻找角色在剧本中的心态，因为大部分演员在理解时会渗入自己想法，不自觉为角色下决定，但这个做法有机会与本来角色设定有出入。Kay坦言当初并不明白老公想法：“咁个角色系我演㗎嘛，我觉得要咁样演，都系一个选择。佢就话：‘系呀，但系真系好用心嘅演员应该会分到，呢一个选择系你自己，定系个角色本身。’”
直至遇上《合唱歌》中的浦铭心，Kay才理解到Louis的意思：“好似我睇歌词会觉得‘有冇去到好似好憎佢呀？’原来𠮶啲唔系憎恨，系不知所措、系不安、同埋唔识安放嘅情感。（𠮶种感觉）我冇啫，但系呢个角色企喺𠮶度，真系同前夫一齐唱一首歌，佢系有㗎。”即使到后来与Juno录音时，她亦同样深深体会浦铭心的内心世界：“同呢个人（董折）经历呢8分钟，好似好长但亦都好短。呢个人我17岁就识，大家中间经历过一啲嘢，分开咗，亦都同其他人经历咗一啲嘢，到今日我哋又唱返一首歌，个感情系几咁复杂呢！”
尽管董折与浦铭心已10年不见，然而合唱《合唱歌》期间依然有一定默契，这段微妙的感觉亦令二人开始释怀，亦是歌曲后段希望带出的气氛。Kay认为：“有啲嘢系好互相伤害嘅，但系唔知点解呢？可能系时间啦，或者我哋（董折和浦铭心）大个咗啦，突然间互相喺心入面都有种释怀咗嘅感觉。”
歌迷赞8分钟不算长：呢个系最好嘅回应呀！
《合唱歌》在电台首播后，Kay听到大部分乐迷指“一首8分钟嘅歌原来唔系咁长”，她感到非常兴奋：“我觉得呢个系最好嘅回应呀！有啲歌你唔钟意，4分钟你都挨唔到啦，但系一首8分钟嘅歌，佢哋都觉得唔系好长，同埋投入到喺个气氛里面，好似呢8分钟系睇咗一幕戏，睇到佢哋内心翻滚紧嘅情绪，其实我已经觉得好开心。”
当然她亦明白《合唱歌》在电台宣传上确实有一定难度，毕竟8分钟，已经渌到三个杯面，以电台Air Time计算，更相当于节目的一小节，除非深夜直播才有机会足本播放吧：“一首8分钟嘅歌要流行，当然有佢嘅难度，你要喺一个节目度播都好困难。一个节目里面嘅其中一部分，可能都系10分钟之内，佢都未必容纳到，可以播晒成首歌。”
习惯与Juno同一日录合唱歌
故事中的董折和浦铭心在合唱时几乎没有任何交流，而在现实中，Juno和Kay习惯在同一日一起录合唱作品，以配合彼此唱法。Kay解释：“通常我钟意试（唱）咗先嘅，会简单录一次；之后佢会听，又再录返一个畀我。我哋通常都系同一日（录音），可能系我录咗先，跟住接棒就到佢。”而《合唱歌》录音前后约用两、三日完成，Kay透露在过程中不时出现变数：“好多嘢系突然间返到去（家中）又有灵感，例如中间过门嘅ad lib、唱嘅力度，好多嘢都系好细微咁调节过。”不过在疫情下，本来MV的拍摄需要延后，但Kay坦言公司已经计划好，期望MV能尽快完成。