雨侨为罗力威剖腹产女　六磅重囡囡改名Harper：老公有陪产呀

雨侨同罗力威喺情人节宣布怀孕，BB女早前已足月，雨侨回应网友时曾透露计划不似预期：“本来一直打算顺产，依家可能计划有变了，原来我盆骨真系唔够过。”话咁快8月8日雨侨已经入院顺利诞下６磅重囡囡﹗佢回复《香港01》时话：“老公有陪入产房。改名叫Harper。”

罗力威喺8号凌晨上载同太太合照留言话：“BB听日出世喇，最后集气大家既祝福和祷告，愿妈妈和BB一切平安顺利﹗老婆已经叻足十个月，唔争在叻埋听日丫，加油﹗”

8号下昼雨侨回复《香港01》时承认今日入院，顺利生产母女平安：“今朝生咗啦，囡囡６磅重喊得好大声好健康。（系咪择日开刀呀？）系呀，老公有陪入产房。爸爸改名叫Harpe。一切好正常好顺利。比较深刻系疫情下生ＢＢ，好在仲有得陪产，不过之后喺病房就唔可以陪啦，同埋生之前要做深喉测试，都算好特别嘅回忆。”雨侨话生完BB有喺产房SKIN TO SKIN试喂人奶，感觉相当奇秒，亦有心思思想生多一个等仔女有照应。