【熟女强人】胡杏儿产后复出拍ViuTV剧　周年纪念日踢爆老公出轨

胡杏儿今日（24/4）出席ViuTV新剧《熟女强人》拜神仪式，剧中她饰演一位心理医生及性治疗师，本来拥有幸福家庭，却得知老公（朱栢康饰）出轨，婚姻亦因此出现危机。角色与现实生活截然不同，杏儿全靠想像力和参考朋友的故事令自己投入：“做演员好玩之处就系有幻想力。（最深刻一场戏？）Find out咗老公出轨，我要问佢，仲要系结婚十周年纪念日，情绪比较波动。𠮶一刻好嬲，嬲得嚟想知点解，点解得嚟又好无奈，大家嘅关系好难再走落去，比一般人多咗几种感觉。”

作为产后复出拍的第一套剧，杏儿直言吴家丽是吸引她接拍的原因：“家丽姐系好神秘，好有性格嘅演员，今次可以同佢近距离合作都好开心。另外，第一次做医生，故事又围绕唔同女仔，女性嘅故事会吸引啲。”

杏儿拍剧时非常想念两位囝囝，加上疫情关系，他们须长时间留在家中，杏儿会特意构思家中活动助他们解闷：“最近买咗浮床，可以玩下水，佢（大仔李奕霆）好容易满足。同埋佢最近钟意咗跳舞，好钟意听歌跳舞，Favorite系Gangnam Style，学嘢好快。（咁你自己呢？）执下屋都好开心，都好耐冇去玩，姊妹都好耐冇见，新年见完就冇见，我哋有FaceTime，大家都好乖，冇私下约，佢哋又唔敢揾我，知道我有小朋友，大家都想快啲见。（疫情过咗最想做咩？）最想食饭、倾计，Gathering。”

《香港电影我撑场民选大奖2020》全民一人一票，用行动撑本土https://hkmovies2020.hk01.com旗舰智能手表 Series 5、Dyson风筒等丰富奖品等你赢！