【开心速递】食屎陈先生黄志荣　运输署广告演司机最经典

《开心速递》昨晚剧情讲食屎陈师奶(孙慧莲饰)老公疑似偷食高小姐(甄咏珊饰)，引发不少笑话，当中食屎陈先生由经典特约演员黄志荣饰演，独特的演戏方式令人印象难忘，如果有留意港产片或电视、甚至政府广告，必定认得出黄志荣，他接受《香港01》访问时表示，原来入行前他是辅警，他说：“我入咗行都26年喇，我入行系因为日本仔同陆哥(陈应康)，记住帮我多谢佢哋两个呀，入行初时多演军装嘅，后尾我又觉得太局限喇，咁就同TVB艺员部讲可唔可以试下其他角色，咁咪越试越多啰，今次《开心速递》都系咁，初头点知有咁多发挥?我哋都唔会知啦，多谢助导、导演、监制啦，等我过足瘾，哈哈!”

不单止网友觉得黄志荣演得搅笑，甚至《开心速递》监制林建祥都赞他演出到位：“陈先生有𠮶种⋯周星驰试戏𠮶种特质，佢系一个好资深嘅特约演员嚟。”而黄志荣就表示自己拍戏纯为兴趣：“我哋呢啲退休人仕做戏就为咗过瘾架啫，《开心速递》成班演员好钖我哋班特约架，我哋都系叫丹爷做根叔，吕慧仪做长脚蟹，大家拍剧好开心嘅。”除了《开心速递》黄志荣2004年拍了运输署广告，片中饰演司机，他说：“呢个都几难忘，片入面有个细路仔帮我整倒后镜嘅，唔知佢而家点呢?拍完𠮶次之后就冇见过喇，我都想知而家佢大过咗系点呢?”希望当日那位小朋友可以看到这篇报道，当时同荣叔打个招呼啦。