【一个人去旅行】Ming仔节目播出粉丝回升　预告一个月内出新片

TVB旅游节目《一个人去旅行》在3月2日晚正式首播，节目由香港初代YouTuber之一的Ming仔（梁嘉铭）主持，带观众由曼彻斯特、约克、北爱尔兰再回到伦敦，畅游英国。今次是Ming仔自去年的公关灾难后重回公众视线，亦是他首次主持TVB节目，吸引不少人关注。

Ming仔自2010年开始拍摄YouTube片，原本有接近50万Followers，但他在去年11月16日以“和你倾政治——我的角度”为名在Facebook开Live，与网民分享自己对社会情况的见解，结果引起大批网民不满。虽然Ming仔之后出Post道歉及澄清自己的想法，但网民似乎“唔收货”，Facebook粉丝数在两日内急跌10万，YouTube订阅人数亦由超过49万暴跌至38万。而Ming仔在经历公关灾难后没有再更新任何社交平台，直至近日节目播出，再引起网民关注。

相隔几个月再重回公众视线，Ming仔在接受《香港01》访问时就表示会以平常心对待：“刚发生时确系几失望，颓咗成个礼拜，但好明白网民嘅情绪来源，同埋毕竟相比现今社会咁多问题，我唔敢过分放大自己所遭遇嘅事，所以唔会有hard feeling，当然日后讲话会注意点。（有冇担心电视观众对你唔熟悉？）有考虑过呢个因素，但唔担心，个个都有第一次。我主要都系集中节目内容同节奏方面，其他不可控制嘅嘢，好似‘有冇人识’呢啲问题，我交咗畀监制解决。”

Ming仔以往拍摄YouTube片的片长多数在10分钟以内，但今次拍摄节目一集长达20分钟以上，他亦坦言有难度：“系有啲挑战，尤其要响指定旅游时间下确保有足够内容，时间上要用得有效率啲，不过制作团队好Pro，拿捏得够准确，所以还好！大致上，监制都容许我自己安排行程同节目内容，团队亦会畀意见，平时我一个人去旅行会做嘅嘢，大多数都维持得返，譬如朝早做运动、揾咖啡店、夜晚去Jazz吧之类。自己拍嘅话，时间安排上我会不负责任啲，因为要预松啲时间畀自己尽量拍多啲嘢返嚟，但同团队一齐，我唔使自己拍晒，有专业摄影师同我一齐分担，佢哋会主动帮我拍吉镜。唔好处就冇乜，大多遇到嘅挑战都有方法解决。”

对于有网民认为节目内容不够丰富，只有一个人主持感觉不够生动，Ming仔就表示：“冇乜点谂呢样嘢，因为我都一个人主持咗好多年（网上）。同埋今次节目风格希望可以真实自然啲，尽量唔硬Tag，将真实感受拍出嚟，融入咗少少似纪录片嘅拍法。”他亦大赞与团队合作非常顺利及愉快：“至于有冇信心继续拍，要拍实有得拍㗎，我有YouTube Channel㗎嘛。”而提到节目播出后，Facebook及IG粉丝都有回升，Ming仔都表示开心：“多咗支持者梗系开心，冇嘅话我都会用返同样心态面对制作，太注重like数反而会被观众主导咗作品方向。（几时有新片？）已经热烈制作中，不过加入咗啲新元素，技术上有啲复杂，应该唔使一个月啩？希望。”