【后生仔倾吓偈】冯盈盈自认无义气　超自我中心：使人都使得几尽

最新一集《#后生仔倾吓偈》以“义气”为题，自评得一分义气嘅冯盈盈表示：“如果人哋想帮我，我都使得几尽，一啲都唔会感到唔好意思，坦白讲，我有少少自我中心。”真系少少？连6号都忍唔住笑冯盈盈，并谓：“宇宙有几大，你中心就有几大。”

虽然自己唔系义气之人，但冯盈盈就大赞闺蜜江嘉敏，佢话试过有次同对方食完宵夜后，由于无咩嘢做，所以邀请佢上屋企吹水，最后江嘉敏仲决定喺冯盈盈过夜。“佢去冲凉之前，我同佢讲个浴缸条渠塞塞哋，因为啲头发摄晒入去，所以堵塞左。佢听完之后就好有义气咁话‘好！ 我帮你通通条渠’然后佢真系一个女仔咁跪喺浴缸帮我通，我喺后面都唔好意思，心谂自己条渠都要人哋帮我通。”冯盈盈讲完之后，仲show出一张通渠照，虽然只系得个背影，但都叫有图有真相，估唔到江嘉敏咁万能㖞。

冯盈盈因为《果栏中的江湖大嫂》而与江嘉敏变成好友，除咗high tea食饭之外，估唔到江嘉敏仲试过为冯盈盈通渠，呢啲朋友真系唔话得。

通渠过程逐格睇