【多功能老婆】黄浩然衰到贴地全城闹爆　盘点贱男语录句句超Hurt

撰文： 董欣琪
出版：更新：

TVB台庆剧《多功能老婆》今晚（27日）播出大结局，蓝飞（杨千嬅饰）、浩田（周柏豪饰）同剑雄（黄浩然饰）之间的关系令观众睇得好肉紧！剧中的暖男OPPA浩田句句冧女对白都超肉麻，不过为事业狠心抛妻弃子的剑雄就被全城闹爆，在昨晚（26日）播出的一集中，剑雄更连环爆出多句说话伤害蓝飞，有网民甚至嬲到话想大巴大巴“车”落去！

剑雄眼见无法挽回与蓝飞之间的感情，竟然衰到出招同蓝飞争夺儿子佳佳（阮天宝饰）的抚养权！（剧照）
他对蓝飞讲的说话更一句比一句贱格，令观众睇到咬牙切齿！（剧照）
1. 你可以唔系我老婆（YouTube影片截图）
但佳佳永远都系我个仔。（YouTube影片截图）
2. 佢身上流紧我嘅血，佢跟我姓（YouTube影片截图）
梗系同我最亲。（YouTube影片截图）
3. 你可以放心，我将来嘅女人为咗讨好我（YouTube影片截图）
一定会对佳佳好好（YouTube影片截图）
我会教佳佳叫佢哋做妈咪（YouTube影片截图）
咁仲惨过插你一刀。（YouTube影片截图）
4. 因为我知道你呢一生都唔会再爱我（YouTube影片截图）
但起码留一个位憎我（YouTube影片截图）
都好过连一个位置都冇。（YouTube影片截图）
5. 我尚剑雄身边唔会冇女人（YouTube影片截图）
呢个世界有好多个未成功嘅颜成功（YouTube影片截图）
想揾一个成功咗嘅尚剑雄。（YouTube影片截图）
6. 叻嘅男人注定唔会得一个女人（YouTube影片截图）
我识返屋企已经好叻㗎喇。（YouTube影片截图）
7. 你唔明系因为你唔够叻（YouTube影片截图）
佢唔明系因为佢天真，系佢蠢。（YouTube影片截图）
8. 我唔想佢俾人话（YouTube影片截图）
佢同个有妇之夫一齐。（YouTube影片截图）
9. 唔够一个星期已经有人取代咗你（电视截图）
我就系想借呢件事睇下佢有几爱我。（电视截图）
10. 由拍拖到结婚，我同阿飞七年感情（YouTube影片截图）
你哋一齐唔够七个月，根本冇得比。（YouTube影片截图）
我就算让赛唔郁，咩都唔做（YouTube影片截图）
你起码都仲要等六年先可以同我打个平手。（YouTube影片截图）
蓝飞真系好无辜！（YouTube影片截图）
做错事𠮶个唔系我呀（YouTube影片截图）
点解你要伤害我呀？（YouTube影片截图）