【解决师】冯盈盈湿身激啜张颕康挑战尺度：剧本无任何指引
撰文： 邝钰莹
出版：更新：
由王浩信、唐诗咏、张曦雯等人主演嘅台庆剧《解决师》将接捧《金宵大厦》播出，喺日前释出嘅预告中，讲述冯盈盈同张颕康由上司下属发展成情侣关系，其中一幕二人更于浴室湿身激咀，张颕康除轻咬冯盈盈耳仔外，又将其白色衬衫脱下，双手直接放入对方小背心内……
第一次拍摄激情戏，冯盈盈表示十分紧张，幸得张颕康耐心辅导，令佢可以完全放开怀抱演出。而佢亦表示之前有向男友宝宝备案：“拎到剧本都有畀佢睇，𠮶日佢仲亲自车我去拍，我谂佢都开始理解；我都感谢佢体谅，播出嘅时候我会喺隔离辅导、陪住佢睇。”而其实除咗预告睇到嘅，冯盈盈更透露呢一幕原来系由浴室、淋浴湿身后再出返房上床，真系听到都觉得红都面晒，她说：“激情场面系由浴室、走到入淋浴间开花洒湿身、再出返房、然后再上埋张床，净系呢几个层次嘅转换已经系新尝试。”
冯盈盈接受《香港01》访问时透露剧中不时会有与张颕康的肉搏戏份，而已在节目巡礼播出的预告片段，她说早拍摄几个月前已收到剧本，所以虽然有啲尴尬，但有足够时间准备与消化。“到真系拍摄发现原来比想像中难好多，好在有张颕康的帮助，好在feedback都唔错，都觉得系唔错嘅尝试，但已贴近我最性感的极限，所以接下来好难会有比呢场更激嘅尝试。”提到咬耳仔的动作，冯盈盈表示只是意识上比较大胆，但不失为一个很好的表现方式，问到事前有否跟男友宝宝排练。“因为咬耳珠呢个动作，系去到现场加落去，剧本都无guideline做咩动作，纯粹睇feel去发挥，所以男朋友都系昨天睇到先知，佢同我喺屋企睇嘅时候都无预计到，一齐尖叫，好suprise，又无好嬲，但有啲冲击，去到某啲位都会质疑呢个女仔系未我嚟……”为了弥补男友心灵伤害，冯盈盈表示将会做好女友的本身，对男友更系有求必应。
FYY激咀张颕康逐格睇
+19