《青出于蓝》15周年 坏学生梁竞徽当自己系古惑仔
撰文： 邝钰莹
出版：更新：
由欧阳震华、陶大宇、郭可盈主演嘅《青出于蓝》原来已经出产15年，“同学各位找个位 这是你的开学礼”呢句歌词相信唔少80后都识唱。
剧集讲述饰演校长嘅欧阳震华，同饰演老师嘅陶大宇以及郭可盈用心咁协助学生重回正途。欧阳震华同陶大宇本身份属好友，喺剧中尽显默契，至于有幸被佢哋教肓嘅一班学生，原来除咗赵颂茹、周永恒之外，仲有梁竞徽（旧名：梁烈唯）、郑俊弘、黄嘉乐同沈卓盈。而家睇返佢咃啲样，真系young到不得了，特别系当时入行无耐嘅郑俊弘，《青出于蓝》更系佢首套做男配角嘅作品，至于赵颂茹，当年就系因为呢套剧而同周永恒擦出爱火花。不过，就喺周永恒拍完《青》无耐，佢就因为因藏毒罪成被判十八个月感化令，从此退出娱乐圈，该剧成了他的最后作品。
值得一提嘅系梁竞徽a.k.a梁烈唯，《青出于蓝》原来系佢喺无线嘅处男作。有指拍电影出身嘅佢，当年由于一朝得志意气风发得罪唔少人，再加上后来市道低迷令佢无嘢捞，喺陈敏之介绍下，于03年加入无线就已经由男配角做起，剧中饰演反叛学生犹如古惑仔一样。《青》当年起用大批新人，除赵颂茹、周永恒之外，沈卓盈亦都系其中一位，02年以《TVB周刊》cover girl选举入行嘅沈大师，第一次拍剧就系《青》，虽然戏份唔多，但拍埋赵颂茹身边一啲都唔输蚀，再睇睇当年20岁嘅佢，同而家分别不大。
+5
即Click睇大师靓相：
+2