18岁生日派对顺道发布新碟　黄淑蔓自爆不是A0：中学拍过好多次拖

有“寰亚𡥧女”之称的乐坛新人黄淑蔓（Feanna）4年前出道时就已经凭著电影主题曲《差一点我们会飞》亦打响名堂。今日（6月8日）是她的18岁生日，公司就特地为她搞了个盛大生日派对，兼新碟发布会。生日会上，她唱歌、与公司同事、粉丝合照、切蛋糕之余，还向记者透露了自己感情状况以及择偶条件！

生日会上寰亚老板林建岳以及一班公司高层都有出席，而前辈兼《哪一天我们会飞》的女主角杨千嬅亦作业神秘嘉宾惊喜现身，会上更叫黄淑蔓不用担心过了18岁后就无人锡，并笑说：“我都就快48，点会唔知锡唔锡嘅层次，你喺公司规规矩矩就唔会唔锡你，喺工作上面成绩突出就更锡，系好现实嘅，但最重要的是，无论出面有无人锡你都好，要记住父母一世都会锡你。”Feanna完全是万千宠爱在一身。

同时她也许下生日愿望，希望可以在20岁前开红馆演唱会，同时她亦以音乐专辑《17+》中的4首歌曲回馈现在嘉宾以及粉丝，声音清晰而又动听，宛如一个迷你音乐会一样。黄淑蔓（Feanna）接受《香港01》访问时，表示18岁的愿望是希望入到心仪大学以及科目：“JUPAS我就报咗音乐，因为系自己长处，亦都报咗一啲电影行业相关嘅，都系自己感兴趣嘅，同埋都报咗幼儿教育，因为自己好钟意小朋友。”更表示入读大学并不会放弃歌唱事业。

听黄淑蔓（Feanna）现场唱呢４首歌，Click呢度：黄淑蔓生日派对再唱处女作　睇片即听《差一点我们会飞》现场版

“大个女”第一要做的事：登记做选民！

18岁成人之后会想做甚么事？她说：“第一件事就系去攞身份证登记做选民！跟住可能就系去玩，去下酒吧！呢啲叫做18岁先可以去嘅地方。同埋希望可以去跳Bungy Jump（笨猪跳），同埋少不免去赛马会买下马同六合彩。”

学业、事业两得意，未知她的感情状况如何呢？问及“现时有没有男朋友”时，她只是支吾以对回应，并表示想大家专注她的歌曲上面。当问到她“以往”的感情事，属于“A几或O几”（A即是Available，O即是Occupy，数字代表次数），她就这样回答：“如果A嘅话，我应该系A780，哈哈哈，讲笑。因为我之前拍过好多次拖，F.1𠮶阵我会同啲师兄拍拖，但系全部都系一星期，连拖手都冇。（Puppy Love？）连Puppy Love都唔算，哈哈。如果系真正谈恋爱嘅话应该系A3。”

那么，Feanna会喜欢哪一种类型男仔？她说：“我好需要佢就晒我，要好成熟。因为我嘅事业同学业都占咗我大部份时间，好多时候都陪唔到佢。我接受唔到因为我忙碌而责怪我。佢要好就得人、同埋靓仔、成熟同埋爱我，不过靓仔都系其次。”要哪一种靓仔？“我唔知，因为我眼中嘅靓仔，大家又唔觉。最紧要系望落去顺眼，同埋会老㗎嘛，老咗都会皱皮㗎嘛。”有没有靓仔的例子？“灿烈啰，我由佢第一日出道，喺MAMA嘅时候就钟意佢到而家。”所以话，大家仲有机会㗎！