否认恋上郭子豪睇楼筑爱巢 邓卓殷：我哋系基督教友关系！
撰文： 吴子生
出版：更新：
应届港姐亚军邓卓殷（Amber)今日（25/5）现身将军澳电视城出席无线《公益金万众同心50年》拜神仪式。日前报导指Amber秘挞郭子豪，二人更被影到秘密“同车”睇楼盘，疑似共筑爱巢，报导更直指Amber是第三者，并介入男方感情事，事后男方出来澄清早已跟拍拖3年前女友Karen分开，分手原因并不涉及第三者。
Amber接受《香港01》访问时说：“其实我宜家同郭子豪系基督教友关系，我哋之前拍嘢时认识，大家都一路都有保持联络，佢会同我分享佢在生活上一啲烦恼，及在工作上遇到嘅压力，有见及此我就带佢返教会，认为宗教可以帮到佢。”
至于报导指睇楼共筑爱巢，Amber就话：“当日早上我哋系一齐返教会，然后佢话去睇楼，我就陪佢去一齐睇，至于佢因咩事去租楼我就冇了解过。”（知唔知道佢有女朋友？）“佢感情嘅嘢，我都真系唔系好清楚，佢嘅感情要问返佢会比较清楚。”（郭子豪有冇表态想追你？）“对于感情方面你都系问返佢，我哋系一齐返教会啰。”Amber提到与拍拖6年男友分手因由，全因分隔异地感情转淡，并表示今年4月已经分手一段时间，至于分手多久，Amber以私人理由不方便透露。