【专访】 Serrini 邪童谣：咪理我底牌系点 啲歌“邪”到你就掂！
Serrini 在 2012 年推出歌曲《 苏菲亚的波霸珍珠奶茶 》，有趣绝核的歌词令原是二人组（ Serruria ＋ Wini ）的 Serrini 得到乐迷的注视。几年过去，Serrini 变成一个人，但创意灵感未有减却过，更于 2017 年迎来专辑《 Don’t Text Him 》道尽女生的爱情价值观；来到 2019 年，Serrini 一反“ 文青 look ”而要“ 邪 ”气上身，成为《 邪童谣 》的妖歌姬！（ 摄影：Moment Hung ）
访谈的地方，选择了香港电音人、音乐监制 Alok 的 studio，因为，Serrini 的全新专辑《 邪童谣 》的编曲与监制正是由 Alok 主理，Alok 早于 Serrini 的《 Don’t Text Him 》就为〈 沟晒啲仔 〉混音，之后两人谈起新专辑，就一拍即合。“ 张碟我哋吹水吹出嚟㗎咋！ ”Serrini 笑道。
先重温早前扭耳仔到 Alok 的工作室学习电子音乐：
“ 一个女仔大到一个位，就会想做一个 strong independent （强势自主 ），除咗矫情咁讲 don’t text him 唔好‘ 中 ’个头埋去之外，都要有番一个老母角色嘅心境去平衡一下。咁《 Don’t Text Him 》之后个 timing 同心态都准备好喇，就当然唔好再等啦，做啦！”虽然《 邪童谣 》的计划都好像拖了年多，但 Serrini 和 Alok 的合作很顺畅，歌，也很快出到完成品了。
那为何要叫作《 邪童谣 》呢？“ 懒型呀！成日啲人讲咩童话故事吖嘛，我要型啲，就反（ Anti- ）童话啊，咁咪更吸引人啰！《 令人惊栗的格林童话 》全港 OL 都睇过啦呢本书啦，就系呢个感觉，有反差吖嘛，咁的确我自己系钟意有反差嘅嘢。 ”Serrini 说。Alok 打个趣：“ 系啦！倾呢张专辑我哋都系喺啲文青 cafe 度倾哈哈！ 喺界限街！”
Serrini 一直都自言自己在香港音乐界走一条独特的路：“ 你话我好 indie 咩，又只系好边缘嘅 indie；主流？我又唔系好夹佢哋。所以你问我我啲歌吸唔吸引到歌迷，我唔理呢啲啰，我只系唱出我自己嘅睇法。因为只有我讲出自己故事先会去 inspire 到人哋讲自己故事，你专登代入人哋个角度去讲，只会系玩同俾人觉得虚伪。其他嘅音乐，我都会 pay respect，因为，都有佢哋存在嘅价值，就算大妈唱歌都系啦，系用嚟填补麻甩叔叔嘅心灵空虚。 ”
《 邪童谣 》的第一首歌是〈 成为 〉，Serrini 和 Alok 都觉得是专辑中最“ pop 味浓 ”的一首：“ 其实我哋一开始系写咗〈 灰黛 〉、〈 艳后 〉先，想 over the top 咁去玩 dark 嘢，〈 成为 〉系之后先加上去，其实原先我好想翻玩一首旧歌〈 Mr Sandman 〉，词我都改埋，但因为后来版权问题做唔到，咁我就攞首歌好 pop 嘅 beat 但 dark pop 嘅 feel 去做，依家个个都要 dark pop 、暗黑华丽好似零舍特别咁哈哈。〈 成为 〉我写咗词三日就去录喇，够 pop 吖嘛，放第一首啦。”
Serrini - 成长 / Becoming：摧毁旧我、蜕变成蝶
那 Serrini 又是怎样为歌曲去找灵感呢？“ 其实我初时写紧啲 character 出嚟，以〈 海妖 〉为例嘅话，咁我本身好钟意美人鱼、Ursula ，但唔一定系迪士尼𠮶个，都可以系 《 Pirates of Carribbean 》 啲美人鱼嘛，我就同 Alok 讲我要美人鱼啰呵呵呵呵呵呵！” Alok 笑说：“ 再加邪 beat 就系架喇！”
Serrini 的《 邪童谣 》可能是 Serrini 随心的作品，但对编曲的 Alok 来说就是一个“ 冒险 ”，因为这是他第一次做这样专辑：“ 对我嚟讲好大挑战，我未试过咁样去做，之前都系喺既有嘅嘢加其他嘢上去，今次同 Serrini 合作系我加啲佢又改啲，佢加啲我又改啲咁。同真系要好严谨呀！（笑）”Alok 在今次编曲上用很重的 bass，不怎么人性化；虽然音乐上他想再简约点，但已经和之前很多 layer 的种类很不同。“ 今次都系我第一次用电音配到广东歌词上的制作，好新鲜，一开始只系有个 beat 同 chord，Serrini 就写词。”Alok 再道。“ 所以佢唔知我写咗乜嘢㗎！”Serrini 笑言。
专辑主题曲《 邪童谣 》则是一首纯音乐乐章，但其实是用来作为一个过场，再让大家感受专辑中风格有点不同的歌曲〈 静谧神林 〉，那是一首很森林很梦幻感觉的歌，Serrini 说：“ 我就系想整到好似睇紧魔戒咁嘅歌。”（ 扭耳仔稍后会再介绍这一首曲目，大家敬请留意！ ）
谈到即将举行的演唱会“ 《 Serrini 的童话世界 》the Concert of 2019! ”，Serrini 最高兴是可以在麦花臣场馆和歌迷一起大玩特玩：“ 我有啲 VVIP 歌迷，要喺最前排听，好呀，到时个台会整到要过红海咁，我到时唔会俾 VVIP 佢哋入场住，会之后喺后台推佢哋出嚟，等大家可以公开羞辱佢哋哈哈哈哈哈！”大家想看这个“ 红海传奇 ”就要准时入场了。
世界级配乐大师 Hans Zimmer 宣布来港 睇 Netflix 顶住瘾先
百大最伟大专辑名单必上榜的《 The Stone Roses 》30年前诞生了