当爸爸比当妈妈要幸福？！│Sci Papa

是咁的。加州大学河滨分校一项针对18,000人嘅研究发现，爸爸从育儿所获得嘅幸福感高于妈妈。点解嘅？？不如先讲吓研究发现咗爸爸点样幸福？

相对于冇生小朋友嘅同龄成人，爸爸们对自己嘅生活表示有更高嘅满意度——觉得自己生活较美满；报告亦指出佢哋比妈妈嘅情绪较为正面，亦较少喺日常生活中遇上烦恼；最重要系，爸爸们报告嘅抑郁症状都系比冇生小朋友嘅男性为少。

而呢项研究同时发现，喺某几个项目，妈妈嘅情况系相反。例如，妈妈们报告嘅抑郁症状比冇生小朋友嘅女性为多。

再睇睇研究又发现咗乜嘢令爸爸育儿咁幸福？

研究作者Katherine Nelson-Coffey指出，爸爸感到比较幸福嘅部分原因，系在于佢哋同小朋友一齐共度嘅时光；好多时，都系用嚟“同佢玩”。

至于点解爸爸可以成日同小朋友玩，而妈妈唔可以？呢个研究就仲未俾到答案，但笔者认为好大可能系，照顾小孩日常生活呢个责任，都系落咗喺伟大嘅妈妈手中，所以爸爸先可以尽情咁同啲小朋友玩！事实上，笔者太太都用上唔少时间处理家中嘅琐碎事同埋小朋友嘅生活日常，见到佢牺牲咗唔少时间做一啲未必人人喜欢做嘅琐事，笔者又点可以只抛下一句“谢谢你”或“辛苦晒”，而仲唔乖乖哋同佢分担？

参考资料：https://news.ucr.edu/articles/2019/01/30/fathers-are-happier-parents-mothers-new-study-shows

Sci Papa （专页：Scientific Papa）

喜欢科学，但更喜欢老婆跟女儿。觉得科研跟“凑女”都是要有极度的耐性，不怕失败，还要懂得自我反思后用不同方法再尝试！将育儿及科学融合，期望伴著女儿走一条快乐的成长路。