梁佑嘉BB脐带缠颈焗开刀：呢粒人仔叫Aiden

“生仔好痛架﹗”十级阵痛有几惨烈大家都知，近年愈来愈多妈妈选择剖腹产子，看似生得舒服啲，但要俾人㓥开7层拎BB出嚟，生完都有子宫爆开风险，一样系揾命搏架﹗梁佑嘉（Abella）呢日喺社交网站报喜，原来佢囝囝已经出咗世啦﹗不过就因为一啲无法预计嘅事，无奈顺产变开刀。

梁佑嘉复出大住肚都要唱歌？ Abella：唱Live要等BB出世后

去年Abella自2012年淡出乐坛后，可说是几乎消声匿迹。对普罗大众来说，最记得应该是她当年的大碟广告洗脑式在电视台播放。至去年底忽然重现大家眼前，已经转眼成为人妻，仲有BB做准妈妈添﹗眨下眼BB已经出世啦，Abella上载抱住囝囝嘅温馨合照，佢仲戴住医院手带一脸幸福望住囝囝，身后印有“Hi Aiden、It’s A Boy”汽球非常抢眼。

见到BB肥肥白白仲相当多头发，新手妈妈气息红润，但原来生产过程比佢想像中多波折。Abella留言话：“It's a boy! 亲眼睇住BB由自己嘅身体出嚟呢个世界，感觉原来真系好感动，尤其听到佢第一下喊声#呢粒人仔叫Aiden#出世前佢都坚持唔掉头同脐带缠颈。”最尾Hashtag写上开刀、6磅6。虽然有d意料之外嘅事发生，但见到囝囝健康出世真系咩都抵返晒啦。