邓月平搭的士惨遭司机偷窥　IG大闹对方黐线佬

拥有36F骄人身材的邓月平，靓女出街多人望好正常，不过如果系唔礼貌嘅偷窥就接受唔到喇！今日邓月平就喺IG Story 闹爆有的士司机𥄫佢裙底，仲话好想开声叫司机转道去差馆。

邓月平喺IG Story 上载佢所乘坐嘅的士相片，写道：“我系咪应该转道去差馆，个司机疯狂‘装’（偷看）我裙底，拍片又录唔到，但会尝试再拍，全程龟速无车都Keep 住慢驶，痴线好恐怖装镜仔昅（𥄫）裙底。”从相片所见，个的士司机真系除咗车厢内嘅中镜之外，仲装多块镜，但唔知系咪真系用嚟偷窥女乘客。

之后邓月平再出Po，话坐咗去司机后面，等佢𥄫唔到，仲激动到闹的士司机系“死痴（黐）线佬！”邓月平电话回复《香港01》，话当时手足无措，“唔想同佢讲嘢，因为都惊，尽快落车走人！”