【日本九州】福冈必食10款美食　高质明太子放题不能错过！

去到日本九州福冈食咩好？应该去一风堂、一兰拉面嘅本店朝圣，定系试下九州褔冈嘅传统乡土料理？屋台、小食、明太子、甜品样样都咁吸引好难拣？咁就等KKday为大家介绍一下九州福冈10大必食美食啦！

▼▼按图放大，即睇九州福冈10大必食美食！下文有齐十种美食更详尽的介绍▼▼

1. 牛肠锅（もつ锅）

牛肠锅（もつ锅）系第二次世界大战之后流传至今嘅九州福冈乡土料理，通常会放韭菜、和牛牛肠、椰菜等材料，不过每间舖头用嘅配料都唔同。而最多人推介嘅舖头就系おおやま（Ooyama），佢地放咗大量嘅韭菜、椰菜、同多种味噌作为汤底，加上肉质软嫩、入口即溶嘅黑毛和牛牛肠，食完牛肠锅之后，再加强棒面落去煮，吸晒汤嘅精华，令人无法忘怀！

【推荐食店：おおやま(Ooyama) 本店】
▶︎地址：〒 812-0025 九州福冈市博多区店屋町7-28
▶︎营业时间：17:00～24:00（截单时间 23:00）
▶︎交通：地铁“吴服町駅”落车，步行大3-5分钟

2. 鳗鱼饭

九州地区其中一样必食之选一定系鳗鱼饭！打开鳗鱼饭个盖，传嚟淡淡炭香味、望住金黄色细致绵密嘅鳗鱼、再加埋店家嘅独家酱汁同七味粉……要我一日三餐食鳗鱼饭都冇问题呀！

【推荐食店：名代吉冢うなぎ屋】
▶︎地址：〒810-0801 福冈市博多区中洲２丁目８番２７号
▶︎营业时间：11:00~21:00 (截单时间 20:30) ，逢星期三休息
▶︎交通：地铁“中州川端”落车，步行约5分钟。

【推荐食店：柳川屋鳗鱼饭】
▶︎地址：九州福冈市博多区博多駅前3-10-14
▶︎营业时间：11:00-22:30（截单时间 22:00），逢星期日休息
▶︎交通：地铁/JR“博多站”，步行约5分钟

3. 柳川锅

柳川锅系江户时代嘅乡土料理，由200年前流传至今。喺陶制嘅浅锅入面放上泥鳅，加入拌饭、牛蒡、葱、洋葱等调味，再喺最上层铺上蛋液，味道、口感一啲都唔会输比鳗鱼饭，仲非常特别，系嚟到值得一试嘅料理。

【推荐食店：皿屋福柳】
▶︎地址：〒832-0065　柳川市冲端町29-1
▶︎营业时间：11：30～14：30（逢星期四休息，遇到公众假期会顺延一日）
▶︎交通：西铁天神大牟田线“柳川站”搭西铁巴士，喺“御花前”巴士站落车，步行约5分钟。

4. 博多拉面 （豚骨拉面）

博多拉面用猪豚骨熬煮汤底，加入细面条、葱、叉烧肉、糖心蛋、笋片、海带芽等，浓郁嘅汤㡳配上弹牙嘅面条，回味无穷。而且同其他地方唔同，喺博多地区食拉面，客人可以自己按口味拣面条软硬度，仲有可以加面，好贴心。喺本店或者博多地区嘅分店都会有限定豚骨拉面，好似一兰嘅博多地区分店就有方形碗嘅豚骨拉面！

【推荐食店：一风堂 大名本店】
▶︎地址：〒810-0041九州福冈県福冈市中央区大名1-13-14
▶︎营业时间：11:00~23:00 （详细营业时间以官网为准）
▶︎交通：地铁“天神站”，步行约10分钟。

【推荐食店：一兰 天神西通分店】
▶︎地址：〒810-0041九州福冈県福冈市中央区大名2-1-57
▶︎营业时间：10:00–07:00
▶︎交通：西铁大牟田线，喺“天神站”落车，步行约7分钟；地铁空港线，喺“天神站”落车，步行约6分钟。

5. 明太子

喺九州福冈有好多明太子嘅食物，好似系明太子面包、明太子煎饼、明太子意粉，仲有舖头推出明太子放题！好似“博多もつ锅やまや”喺中午时段入面，每份定食嘅明太子都可以仼食，就连午餐限定嘅炸鸡都系明太子口味，你话嚟到点可以唔试下！

【推荐食店：博多もつ锅やまや】
▶︎地址：九州福冈県福冈市博多区博多駅中央街1-1
▶︎营业时间：11:00～14:00／17:00～23:00（截单时间 22:30）
▶︎交通：JR“博多站”（筑紫口），步行约2分钟。

6. 烧肉

去到日本除咗拉面，烧肉都好吸引！九州博多车站前面嘅“烧肉多牛”有A4等级以上嘅和牛，但价钱就好亲民，同时都好多人排队！但多牛嘅店面就比较窄，食又平又靓嘅烧肉代价就系带住烧肉味返酒店～如果怕食烧肉会有阵油烟味，咁小编推介你可以去无烟烧肉嘅“烧肉Champion”，𠮶度有A5等级嘅和牛！

【推荐食店：烧肉多牛】
▶︎地址：九州福冈县福冈市博多区博多车站南1-5-3 西园大厦1・2F
▶︎营业时间：17:30-23:00 （星期一休息）
▶︎交通：JR“博多站”，步行约5-7分钟。

【推荐食店：烧肉Champion 焼肉チャンピオン】
▶︎地址：九州福冈県福冈市博多区博多駅中央街1-1 (JR博多City店 10F)
▶︎营业时间：11:00～23:00 (截单时间 22:30)
▶︎交通：JR“博多站”直达

7. 炒面

九州福冈最出名嘅都系屋台，喺中洲屋台呢度一到夜晚就会有一档档嘅摊贩开始营业，大家可以喺咁有日本特色嘅屋企度体验下各种美食。而屋台入面最受欢迎嘅就是“小金ちゃん”嘅炒面，热门时段要排40分钟到1个钟㗎！将拉面煮好之后加入鱼板、蔬菜、味噌一齐炒，好讲究火候同时间，炒出嚟色香味俱全，一啲都唔马虎㗎。

【推荐食店：小金ちゃん】
▶︎地址：九州福冈市中央区天神 2三井ビル里亲不孝通り入口
▶︎营业时间：18:30～2:00（星期四、星期日、雨天休息）
▶︎交通：地铁“天神站”1号出口，步行约2-3分钟

8. 一口饺子

一口饺子喺博多地区都好受欢迎，用铁锅煎完之后即刻上菜，外脆内嫩，仲可以加啲酱油同胡椒提升口感，值得一试。

【推荐食店：博多祇园鉄なべ】
▶︎地址：九州福冈県 福冈市博多区 祇园町 2-20
▶︎营业时间：17:00～00:30
▶︎交通：地铁“祇园站”，步行约3分钟；JR“博多站”，步行约10分钟。

9. 梅枝饼 (梅ヶ枝饼)

梅枝饼系福冈嘅经典甜品，用米制成的外皮，包住满满嘅红豆馅，有啲似麻糬嘅口感。喺太宰府天满宫外面嘅大街沿路有好多卖梅枝饼嘅舖头，店家会将梅枝饼放喺火炉烤，仲可以店外面睇住佢哋点整梅枝饼，再即刻买到个暖笠笠嘅梅枝饼上手，系嚟太宰府嘅必食嘅美食之一〜

【太宰府天满宫】
►地址：九州福冈县太宰府市宰府4-7-1
►交通：搭乘西铁到大宰府线“太宰府”駅落车，步行约5分钟。

10. 串烧

除咗之前提过嘅炒面，串烧都系好多屋台一定会卖嘅野食。日本人放工之后都习惯喺屋台嗌几份串烧配啤酒，一路食一路放松下身心。“天下的烧鸟”系一间由屋台起家嘅串烧店，靠着好味与口碑相传，规模愈做愈大，佢地食材用心、串烧技术好，将串烧烧到有少少焦香、再吸晒酱汁嘅香味，超正！

【推荐食店：天下的烧鸟】
▶︎地址：九州福冈県福冈市博多区下川端町 8-8
▶︎营业时间：16:30～1:00
▶︎交通：地下铁“中洲川端站 ”7号出口，步行约1分钟

睇完呢篇介绍有冇想即刻飞去九州福冈展开你嘅美食之旅？唔好谂啦，起行啦！

【本文获“KKday”授权转载。】