【入住请敲门．专访】林婷表现冷静吓亲人　其实佢都有嘢惊

ViuTV灵异探险节目《入住请敲门》成功制造不少话题，女主持林婷于第一乎季拍摄时，将“唔得呀！好惊。”当作口头禅，结果令到一众观众嬲嬲猪话要罢睇。第二季开播，结果继续有林婷，但观众睇完之后都不禁大叫：“真系好痴线”原因系呢位文青女神于节目中异常淡定，夜闯多个灵探点之余，又在猛鬼酒店大玩都市传说。到底点解有咁大反差？不如由当事人亲自解释啦。

第一季负评不少，要接拍第二季其实都需要好大勇气，林婷表示拍摄前都问过身边朋友的意见，大家都认为可以再试吓，并认为不要因负评而怯。“加上今次拍摄有师傅在旁，成件事安心好多。”林婷继说《入住请敲门》第一季拍摄前，大部分资讯都系靠听，又或者从文字上得到，很多时到现场后才发现“几大出入”，甚为影响情绪，但今次做足准备功课，所以真系无有怕，林婷笑言：“冷静啲就OK啦，无嘢就真系无嘢㗎啦，今次大家都冷静咗。”

“其实上年我本身系帮Viu拍working hoilday嘅综艺，点知档期问题，佢哋问我拍唔拍灵异嘢，话去住吓酒店就ok。”由打工赚钱变为玩命灵探，难怪林婷在第一季时有如此的表现。“第一季我真系好惊，亦都知观众想睇更多，吸收了上一次经验，加上拍摄前睇咗唔少同类型节目，所以今季知道就算惊都要继续去。网民话我淡定。但其实我系冷静地紧张。”问到有可向莫竣名请教，林婷笑言问都无用。“佢成日都话唔惊、无感觉，（佢用粗口嚟定惊。）我内心其实都好多句粗口。”

提到第一季的负评，林婷坦言唔开心一定有，但她亦想澄清自己并唔系贪生怕死，推工作人员夜探自杀森林。“其实𠮶日我哋去富士急鬼屋时，日本位制片佢话自己虽然好惊鬼屋，但完全唔怕真鬼，更自荐帮我哋去夜探自杀森林拍吉镜，所以就即兴多了这一个行程。当晚去到森林之后，电话又收唔到，又黑到伸手不见五指，所以我真系担心佢，系咁叫佢小心啲，但后来播出时，就剪接到好似我唔去要佢去咁……”谜团终于解开了，林婷说曾经谂过解释，但为怕被当作是借口，所以才算罢了。

至于今季，虽然拍摄时都偶有怪事发生，但林婷就觉得唔系太惊，拍摄完成之后亦未有好似莫竣名咁大病一场。她说每次在灵探点拍摄时，因为怕人多唔好办事，所以基本上只会得主持、摄影师以及师傅“入场”，林婷表示摄影师一句“得㗎啦，无事嘅”如同强心针一样，令她愈战愈勇。“但其实佢试过去到某啲位系会成只手臂麻痺咗，又试过在曾发生碎尸案的单位听到高跟鞋声音，佢都系拍完之后先同我讲返。”呢位摄影师，正正就系同莫竣名出生入死的Jer仔。

Wardrobe：Tout a coup@ithk

Location：HMV Kafé