单文柔罕有社交网站“放闪”　网友笑陈展鹏衣著“老土”

单文柔与陈展鹏拍拖已经系众所周知嘅事情，但二人拍拖至今甚少“放闪”，今日（23日）晚上单文柔就喺自己IG发放一张与陈展鹏合照，网民纷纷留言指好闪呀，当然亦都有网民关心二人会几时结婚。至于二人会几时结婚呢？仲系一个未知之数，而今年41岁嘅陈展鹏早前亦透露希望可以有属于自己嘅小朋友，但佢表示暂时仲未有计划过几时结婚。但睇嚟今次展鹏批准女朋友社交网站放闪，莫非…佢哋好快会公布…喜讯？不过可能系小编想多了。

陈展鹏除咗影视作品深爱大家留意之外，大家亦好关注佢嘅时装品味，好似无论佢著乜类型嘅衫都好，大家都会有批评，今次亦唔例外，今晚呢一张相发布后网民更指佢今日呢套衫边个帮佢拣，“展鹏套衫好老套…边个衬架”及“男朋友...条裤出晒事...”，如果陈展鹏要拆解呢一个时装灾难，佢应该要请番一个形象指导，咁就唔洗再怕大家对佢评头品足。