【开心速递】阮政峰请假去睇FISM大会：魔术最难系得到别人嘅尊重

阮政峰于《爱．回家之开心速递》入面饰演的池子孝近日同熊心如 (苏韵姿饰) 分手，心情低落到极点，不过现实生活中的政峰就心情靓靓，因为他早前刚去完于韩国崟山举行的FISM世界魔术大会观摩，今次他是特地跟TVB请假去参与呢个3年一度的魔术界国际盛会。除了系演员，仲系魔术师的他可以出席呢个为期一连6日的大会当然开心啦。

政峰曾于2015年全港公开魔术比赛舞台组赢得亚军，他希望有朝一日能够参加FISM大会的比赛，他说：“首先我自己比赛𠮶套魔术表演要过咗一定嘅分数，达至FISM级嘅水平就可以参加呢个比赛，咁我依家仲同我嘅partner同魔术指导develop紧自己套表演。”除了表演魔术，他还有一间与partner合资的魔术公司，会开班教魔术外，还会有产品及外国的product寄卖，政峰都会负责教学。至于可有钱赚，他说：“间公司开咗年几两年，啱啱和得到啦，因为我哋开呢间公司系想讲我哋对魔术嘅理念，同埋我哋有几爱魔术，而唔系赚钱行头。”

此行参加FISM大会，他还学了何谓魔术：“魔术系由三样嘢组成，包括一啲神奇效果，肢体动作，同埋控制观众嘅注意力，有齐呢三样嘢先可以叫做魔术。”至于他玩魔术至今，觉得最难是甚么？他说：“魔术本身已经好难好难，或者最难嘅系得到别人嘅尊重，我发觉好多人都唔太尊重魔术嘅。”