郑秀文抢走许生嘅《千年如一日》？　高皓正：帮佢写廿部曲都得！

香港“百变天后”郑秀文（Sammi）最近推出新歌《千年如一日》，据知新歌MV的后期还在进行阶段。新歌《千年如一日》由高皓正作曲填词、Johnny Yim编曲及蔡德才监制。今次亦是Sammi继《不要惊动爱情》后再与高皓正合作，《千年如一日》的歌曲前奏响起了《不要惊动爱情》的旋律，不禁令人想起是作品与作品之间的延续，当高皓正（Zac）接受《香港01》访问时回应：“呢首歌本来系畀许志安！”

问到Zac创作《千年如一日》的概念，他坦言来与信仰有关：“歌名系来自圣经嘅故事，喺神嘅角度，一千年好似一日之长，所以时间对神嚟讲系好短好快，但对人类嚟讲一样，人类最多只有一百年，眨眼间就过，时间虽然过得快，但可以活得好精彩，如果你有信仰的话，呢个时间系永恒。其实词人林夕，Wyman（黄伟文）都有写有关时间嘅作品如《夕阳无限好》及《陀飞轮》，两首都有讲到好多事都未必可以永恒，而《千年如一日》就想相反，将未好嘅事变为永恒，永恒自然有价值，由其是形容人与人之间嘅关系。”

郑秀文《千年如一日》卷入编曲抄袭风波 东亚发言人：要了解吓先

他续说：“以前嘅《不要惊动爱情》系我嘅亲身经历，以前嘅我恋爱嘅经历都唔系太好，我想改变，因为我唔改变唔会识到一个好嘅女仔，所以我写咗《不要惊动爱情》。到今时今日我已经同太太结婚七年，同时亦系三孩之父，我会谂成为咗爸爸唔一定会同老婆感情变淡，除咗感情细水长流之，我都好想同人分享就算我同太太7周年我哋依然好似初恋一样好开心，所以我就张呢段恋爱经历写变成了《千年如一日》送畀老婆结婚7周年嘅礼物。后来经朋友提意之下决定将首歌交畀人唱，我初头谂Sammi既然唱过《不要惊动爱情》，如果呢首歌可以畀许志安唱咁就好完美，因为毕竟Sammi唱《不要惊动爱情》嘅时候佢哋仲未复合，如今佢同安仔已经结婚，如果安仔再唱《千年如一日》咁就变成好似续集一样，变得更加美满。所以我决定将呢首歌经由Sammi交畀安仔，点知最后Sammi自己用咗呢首歌，令到呢首作品更加似《不要惊动爱情》下集。希望呢首歌可以令到更多对爱情无信心嘅人重拾自信，好想更多嘅人感受到《千年如一日》嘅正能量。”

本来打算给安仔的作品，最后由Sammi去演绎，问到当中原因，Zac表示他没有多问，但他早前听到Sammi在电台访问中透露了因由：“我就冇听Sammi讲点解，佢收到首歌大约几个月之后就话想用，后来佢接受电台访问时，话安仔觉得首歌比较适合佢。”

问到今与Sammi第二次合作，会否考虑变成三部曲，他笑言：“你问我有冇兴趣写三部曲，如果安仔肯唱当然好啦，至于Sammi呢廿部曲都冇问题！”