【双面人】十年后的关楚耀：喺日本拘留所每一幕仍然历历在目

“人生有几多个十年？”相信这句经典对白不少人听过，但对关楚耀而言，回望十年前的他，一次任性，被日本警方以涉嫌违反《大麻取缔法》而拘留一个多月，虽然他最后获判无罪释放，但这次任性，除了让他的26岁生日在拘留所渡过外，更赔上了事业，而且伤害了身边最重要的人。“我当时有谂过，如果返到香港唔会再有机会的话，我会选择去做运输，重新开始。运输都系一份正当职业，我可以做司机、跟车。”关楚耀说。摄影：黄国立拍摄：黎家浩场地：Sunny Idea发型：Ian Wong化妆：Hetty Kwong

歌手关楚耀（阿关），其父关维麟是“乐坛校长”谭咏麟的唱片监制，2006年经契爷谭咏麟介绍入行成为新人，当年于四大颁奖礼拿下不少新人奖项。阿关一出道便得到不少圈中人爱锡，唱过不街知巷闻的作品如：《你当我什么》、《悲哀代言人》，与谢安琪合唱《四面楚歌》后更为人所识。2009年他却因一时任性，与当时女友游日期间，被当地警方以涉嫌违反《大麻取缔法》为由拘捕。虽然最后获判无罪释放，但他在拘留所的一个多月，让他上了一生难忘的一课。

十年前：我系一个冇脑嘅人！

“十年前嘅我系一个冇脑嘅人，虽然而家都系，但十年前嘅我系更加冇脑。可能由细到大屋企人都好锡自己，好多事都好照顾我；到成为歌手之后，一样有好多前辈帮我、照顾我。十年前嘅我觉得好多嘢都冇乜所谓，有就有，冇就冇，好多工作机会都系试下玩下，我唔会明白机会有几难得。点知喺日本一玩就玩出祸，我觉得自己嘅责任好大，无论自己任性、贪玩、身边朋友影响，但只要自己唔愿意，冇人可以逼我做我唔愿意嘅事，所以终归都系自己问题。”

吸食大麻被捕

阿关忆述十年前被捕的场面，种种细节仍历历在目：“十年前，我因为一时任性，做咗一样非常后悔嘅事，我同当时嘅女朋友到日本旅行，玩出祸，当中有吸食大麻，最后被锁入拘留所。”

他续说：“当年我被警察拘捕时，心情不知所措，我第一个反应就同女朋友讲‘你系咩都唔知，咩都唔使讲，其他事等我嚟处理。’我记得当时系晚上9点左右，去到拘留所被警察盘问，当时有一位中国人翻译帮我沟通，跟住落口供直到凌晨。我初时谂，应该会冇事，点知最后被拘留咗个几月，连26岁生日都喺拘留所中度过。”

遇上江湖大佬　学习拘留所规律

提到在拘留所的生活，阿关虽然面对语言不通，但他兴幸当时有“邻居”帮忙，协助他适应当时的日子，阿关忆述：“拘留所入面，每日我都要按时打扫，入面冇床，全部人都系用‘塔塔米’瞓觉。我记得第一晚入仓嘅时候，有三个日本人同仓，我咩规矩都唔识，又唔明白佢哋嘅文化，其中一位貌似江湖大佬嘅人，佢教我入面嘅规矩，教我铺‘塔塔米’，话畀我知咩时间要起身打扫。”

父母赴日探监：每次谂起都情绪波动！

在日本被捕期间，阿关在拘留所生活了一个多月，在这段时间，他经历了后悔、内疚、惭愧和反思，他明白要对自己做过的事负责。还记得父母第一次到拘留所探望，他深深体会到“惭愧”一词的意思：“我妈妈爸爸专程由香港飞到日本探我，情景好深刻，好似电影电视情节一样。当时有爸爸、妈妈、律师、翻译在场，我同爸爸妈妈隔住玻璃互相对望，大家咩都冇讲只系不断喊，我又将手放喺玻璃上，而妈妈又将手放喺玻璃上，虽然大家接触唔到，但当时真系感受到佢哋嘅温暖、支持、鼓励。而呢一份温暖我到呢一刻我仍然感受到，所以每次我想起呢件事，都会令我心情复杂，情绪波动，我觉得自己好对唔住我嘅父母，我真系觉得好惭愧，点解我可以咁戅居呢？”说到这里，阿关情绪似乎也受到不少波动，眼有泪光的他对过去的事依然记忆犹新。

“喺拘留所嘅日子我反问自己好多问题，‘点解自己咁任性？点解我会做出咁戅居嘅事？点解呢啲事情会发生喺自己身上？’原本去个旅行开开心心，最后发生一样后悔一世，最对唔住我父母嘅事。”关楚耀说。

回港后不敢外出　母亲受情绪病困扰感内疚

很多年青人误认为，只要对自己做过的事“揽上身”，便可把身边人的伤害减至最低，连阿关也不例外，但他没有考虑到这件却令最爱的妈妈深受情绪困扰。“我妈因为‘日本事件’事件而有情绪病，我返到嚟香港之后，佢又因为长期受到情绪困扰而‘生蛇’，身体状况好差。当我发现嘅时候我真系好惭愧，冇谂过因为自己嘅错，伤害到身边嘅亲人。”

关楚耀返港后，没停过反思，在香港他足不出户，面对现实：“头三个月我唔敢出街，收埋自己，就算出街我都系坐车去亲戚屋企食饭，食完饭就直接坐车翻屋企，有时会喺车入面由车窗望望周边发生嘅事。当时情绪、工作各方面都好低潮，要面对现实，有好多传媒追访，身边嘅家人以至圈中朋友都受到影响。整个过程足足过咗九个几月，呢段时间我用音乐去发泄自己嘅情绪，慢慢我就开始作曲，写咗几首歌。之后我就去到香港超过50间不同嘅中小学，以过来人身份去分享自己做过嘅事，包括犯错时嘅心情，做错嘅原因。坦白讲，同学生、师长分享之前我，真系唔知佢哋会唔会接受我，而最后我从佢哋身上得到好多支持及鼓励。”

十年后：先想家人，后想自己

对关楚耀来说过去十年，他经历很多反思，不论对自己做人处事，与家人的关系，他坦言，现在的他百行以孝为先：“我爸爸十年前有一句说话提醒咗我，佢话‘好彩你后生嘅时候发生呢件事，令你可以反思，反省，令你可以成为一个真正嘅男人。’以前嘅我唔会为人设想，做事亦永远唔会想后果，不理父母意见，就算与佢哋反面，只要自己开心我会一意孤行。自从‘日本事件’之后，我处事态度相对成熟，我学识做决定前先谂人感受，会考虑呢个决定会唔会影响身边人与事，有些事只要令家人开心或者帮到人，就算我不愿意我都会做。”

不打扮深夜逛街拍照　做最真实的自己

作为艺人，言行举止以至工作的选择都有束缚，因为艺人所代表的不单单是自己而已，他说：“我真系好钟意‘艺人’呢份工作，因为可以每日见唔同嘅人，做唔同嘅事。同时，艺人系一份食得咸鱼抵得渴嘅职业，要顾及自身形象，亦要顾及公司利益。以做音乐为例，我当然想做一啲自己喜欢嘅音乐类型嘅作品，虽然公司有放手畀我做，但我都要顾及公司收入，歌迷嘅感受，既然公司有投资喺我身上，我都要谂点样可以帮公司赚钱。但讲到影相，我就唔需要理会对人嘅束缚，我影相时唔需要理公司，其他人嘅目光，我好钟意半夜唔打扮真接走落街影相，用镜头去睇出面嘅世界系一种自由，放松，系一真真正正嘅关楚耀。”