【诡探前传‧有片】秋官不怕无线嬲猪：佢哋唔钟意咪拍啲好嘢啰！
将于7月开拍ViuTV新剧《诡探前传》，早前主角之一、饰演年轻版“忠Sir”的麦子乐，上星期（11／6）接受专访时提到，将有极具份量的资深演员加盟剧组，“我都系因为呢个原因，更加想接呢套剧！”却三缄其口，多番游说后，他仍不愿说出该重量级演员是谁，直至今天（20／6）下午在红磡举行的“谁是师傅”发布会上答案终于揭晓：“忠Sir”、“八爷”以及司马志全三师兄弟的师傅 ── “哲道宗师”彭百川将由郑少秋饰演，你冇睇错，我冇写错，确实系秋官呀，师傅“真身”甫公开，不少网民都在ViuTV的facebook专页直播发帖疯狂留言，有人话：“估你唔到”、“真系秋官！！！”、“近日股市……怪不得！”，更有人索性将新剧和神剧《大时代》的情节扣连在一起：“故事第一集佢（秋官）就喺天台丢（掉）晒啲徒弟落街！”反应热烈。
赞《诡探》意念新 获高层诚意邀请演出
记者会后，秋官接受访问时回应指，今次倒戈参演ViuTV新剧，既因总经理鲁庭晖以及制作部副总裁金广诚盛意拳拳，亦因酬劳吸引，更重要是彭师傅一角对他而言是崭新尝试，“我睇咗第一季（《诡探》）之后，觉得（意念）好新，而且拍得好吸引人，同埋我未做过呢啲角色嘛，所以个兴趣咪就系喺呢度啰。”秋官解释，彭师傅的背景是哲学教授和灵异大师两者皆有，既接受西方教育，拥有先进思想，信任科学方法，另边厢则对茅山术士有研究，两者各走极端，看似不能并存，角色甚有挑战性，故最初获ViuTV接洽后，他已表示极有兴趣，“接呢个剧，就系谂住自己未做过，我又钟意尝试新嘅角色，‘扮嘢秋’嘛！”
《诡探前传》终开拍 麦子乐预告重量级演员加盟：有佢我更想演！
【诡探前传】陈安立自爆演年轻版压力大 与麦子乐游学修齐认怕鬼
郑少秋倒戈！ 演ViuTV《诡探前传》终极师傅教游学修茅山术
认彭师傅不易演 为《诡探》剧本烂尾解画
秋官入行经已半个世纪（1967年在电影《黑煞星》担任男主角），经验绝对丰富，惟他直言今次演出彭师傅并不容易，需要多做功课，“都几难嘅，因为我（角色）又系哲学教授，但灵异呢方面呢，就系属于道家，都唔系咁简单㗎，不过佢哋有顾问嘅，我就要攞多啲资料，要吸收吓佢哋畀我嘅讯息先得！”据麦子乐透露，《诡探前传》的剧本经已写起，秋官亦为网民指《诡探》剧本“烂尾”解话：“我谂系佢哋系专登想铺去第二季嘅啫，系呀，去到结局都未解到㗎，咁咪第二季去解啰，我谂佢哋系咁样。我都觉得，诶～点解呢？（解释）唔够㖞，但上次几个单元，我觉得拆得几好呀，都可以。”
不怕大台小器：我同TVB冇约啰㖞！
演员阵容方面，今次秋官以老带新，除了曾与麦子乐在《桌球天王》（2009）“远距离”合作过之外，另外两位徒弟陈安立、游学修，还有将会在剧中饰演秋官女儿的江若琳和沈殷怡。对于三位徒弟仔在发布会上跳舞迎接师傅出场，秋官力赞他们仨孺子可教也：“我睇佢哋几醒目㖞，今日少少嘅表演，就好醒目，啲嘢Pick Up得好快，应该得嘅。”自从参演戚其义监制的《心战》（2012）后，已经有6年没演港剧，今次却转战新平台，问秋官是否担心无线“嬲猪”，他答得从容：“TVB？我同佢冇约啰㖞，我都四围去做㗎啦，佢哋唔钟意，咪又拍啲好嘅嘢啰！”欣宜会否有机会在新剧中客串？秋官笑言：“咁就要同制作部研究吓喇，唔系我话叫就叫！”
游大东其他文章：
【非分熟女】台湾视帝吴慷仁“融入家中” 演港式茶记厨师学抛镬
【林燕妮逝世】黄沾34年前谱曲词 《倩女幽魂》插曲暗藏政治意思
【大叔的爱．评论】难得没加盐加醋讲HeHe 港发展性小众剧路遥遥